ଚନ୍ଦ୍ରପୃଷ୍ଠରେ ଅବତରଣ କଲା ମହାକାଶ ଯାନ ‘ବ୍ଲୁ ଘୋଷ୍ଟ’
ଫ୍ଲୋରିଡା : ଆମେରିକାର ଘରୋଇ ମହାକାଶ ସଂସ୍ଥା ଫାୟାରଫ୍ଲାଏ ଏରୋସ୍ପେସ୍ ପକ୍ଷରୁ ଉତ୍କ୍ଷେପଣ କରାଯାଇଥିବା ମହାକାଶ ଯାନ ‘ବ୍ଲୁ ଘୋଷ୍ଟ’ ରବିବାର ଚନ୍ଦ୍ରପୃଷ୍ଠରେ ଅବତରଣ କରିଛି। ଚନ୍ଦ୍ରପୃଷ୍ଠରେ ସଫଳ ଅବତରଣ କରିବାରେ ଏହା ପ୍ରଥମ ଘରୋଇ ମହାକାଶ ଯାନ ବୋଲି କୁହାଯାଇଛି। କମ୍ପାନୀ ପକ୍ଷରୁ ଏହି ମହାକାଶ ଅଭିଯାନକୁ ‘ଘୋଷ୍ଟ ରାଇଡର୍ସ ଇନ୍ ଦ ସ୍କାଏ’ ନାମରେ ନାମିତ କରାଯାଇଛି। ଅବଶ୍ୟ ଏହି ଅଭିଯାନରେ କମ୍ପାନୀ ପକ୍ଷରୁ ଆମେରିକାର ମହାକାଶ ଗବେଷଣା ସଂସ୍ଥା ନାସାର ସହାୟତା ନିଆଯାଇଥିବା ଜଣାପଡିଛି। ସୂଚନାଯୋଗ୍ୟ ଜାନୁଆରୀ ୧୫ରେ ଏହି ମହାକାଶ ଯାନକୁ ସ୍ପେସ୍ଏକ୍ସ ଫାଲକନ ୯ ରକେଟ ସାହାଯ୍ୟରେ ଉତ୍କ୍ଷେପଣ କରାଯାଇଥିଲା। ବ୍ଲୁ ଘୋଷ୍ଟରେ ଲୁନାର ସଏଲ ଆନାଲାଇଜର, ରେଡିଏସନ ଟଲେରାଣ୍ଟ କମ୍ପ୍ୟୁଟର ସମେତ ମୋଟ ୧୦ ଯନ୍ତ୍ରାଂଶ ଖଞ୍ଜାଯାଇଛି।
Powered by Froala Editor
