ଲକ୍ଷ୍ନୌ: ଉତ୍ତରପ୍ରଦେଶ ଜିଲ୍ଲା ପଞ୍ଚାୟତ ଅଧ୍ୟକ୍ଷ ନିର୍ବାଚନରେ ବିଜେପିର ଅଦ୍ଭୁତ ପୂର୍ବ ବିଜୟ ପରେ ବ୍ୟାଡମିଣ୍ଟନ ତାରକା ସାଇନା ନେହୱାଲ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଟ୍ୱିଟ କରି ଶୁଭେଚ୍ଛା ଜଣାଇବା ପରେ ବିବାଦ ସୃଷ୍ଟି ହୋଇଛି । ସାଇନା ଲେଖିଥିଲେ ଯେ ଉତ୍ତରପ୍ରଦେଶ ଜିଲ୍ଲା ପଞ୍ଚାୟତ ଅଧ୍ୟକ୍ଷ ନିର୍ବାଚନରେ ବିପୁଳ ବିଜୟ ପାଇଁ ଯୋଗୀ ଆଦିତ୍ୟନାଥ ସାରଙ୍କୁ ଅଶେଷ ଅଶେଷ ଅଭିନନ୍ଦନ । ଏହା ପରେ କିଛି ସମର୍ଥକ ଓ ରାଜନେତା ତାଙ୍କର ଏହି ଟ୍ୱିଟକୁ ପସନ୍ଦ କରିନାହାନ୍ତି । ସେଥିପାଇଁ ତାଙ୍କ ଟ୍ୱିଟକୁ ରି ଟ୍ୱିଟ କରି ବିରୋଧ ପ୍ରଦର୍ଶନ କରିଛନ୍ତି । ସାଇନା ଜଣେ ଖେଳାଳି ହୋଇଥିବାରୁ କୌଣସି ଏକ ନିର୍ଦ୍ଧିଷ୍ଟ ଦଳକୁ ଖୋଲା ସମର୍ଥନ ଦେବା ଉଚିତ ନୁହେଁ ବୋଲି କିଛି ସମର୍ଥକ ମତ ଦେଇଛନ୍ତି । ସେହିଭଳି ଧର୍ମନିରପେକ୍ଷତା ଆପଣଙ୍କ ସମର୍ଥକଙ୍କୁ ଦୁଇ ଭାଗ କରିଛି । ଆପଣ କାହିଁ ଖେଳ ଉପରେ ମନୋନିବେଶ କରୁନାହାନ୍ତି ବୋଲି ଜଣେ ରାଜନେତା ଲେଖିଛନ୍ତି । ରାଷ୍ଟ୍ରୀୟ ଲୋକଦଳ ସଭାପତି ଜୟନ୍ତ ଚୌଧୁରୀ ସାଇନାକୁ ସରକାରୀ ସଟଲର ବା ବ୍ୟାଡମିଣ୍ଟନ ଖେଳାଳି ସମ୍ବୋଧନ କରିଛନ୍ତି । ତେବେ ଲୋକମାନେ ଭୁଲି ଯାଉଛନ୍ତି ଯେ ସାଇନା ଗତବର୍ଷ ଜାନୁଆରୀରୁ ଆନୁଷ୍ଠାନିକ ଭାବେ ବିଜେପିରେ ଯୋଗ ଦେଇସାରିଛନ୍ତି ।

Powered by Froala Editor