କେଶକୁ ସୁସ୍ଥ ରଖିବା ପାଇଁ ତେଲର ବ୍ୟବହାର କରାଯାଏ । ତେଲ ଲଗାଇବା ଦ୍ୱାରା କେଶ ମଜଭୁତ ହୋଇଥାଏ । ମହିଳାଙ୍କ ତୁଳନାରେ ପୁରୁଷମାନେ ନିୟମିତ ତେଲର ବ୍ୟବହାର କରି ଥାଆନ୍ତି । କେଶ ବ୍ୟତୀତ ଶରୀରରେ ମଧ୍ୟ ତେଲ ମାଲିସ କରିବା ଦ୍ୱାରା ଶରୀର ସୁସ୍ଥ, ଚିକ୍କଣ ରହିଥାଏ । ବିଶେଷ କରି ଶୀତ ଦିନରେ ଶରୀରରେ ତେଲ ମାଲିସ୍‌ କରିବା ଦ୍ୱାରା ଶୁଷ୍କତା ସମସ୍ୟା ଦୂର ହୋଇଥାଏ ।
ମାତ୍ର ଜ୍ୟୋତିଷ ଶାସ୍ତ୍ର ଅନୁସାରେ ତେଲ ସହ ଜଡିତ କିଛି ନିୟମ ବର୍ଣ୍ଣନା କରାଯାଇଛି । ଜାଣନ୍ତୁ..
ଯେପରି କେଶ କାଟିବା ପାଇଁ ବାରର ମହତ୍ତ୍ୱ ରହିଛି, ସେହିପରି ତେଲ ଲଗାଇବା ପାଇଁ ମଧ୍ୟ ବାରର ମହତ୍ତ୍ୱ ରହିଛି । ଶାସ୍ତ୍ରରେ ତେଲ ଲଗାଇବା ପାଇଁ ଶୁଭ ଦିନ ବର୍ଣ୍ଣନା କରାଯାଇଛି । କେଉଁ ବାରରେ ତେଲ ଲଗାଇଲେ ଧନ ଅଭାବ, ଆର୍ଥିକ ସମସ୍ୟା ଲାଗି ରହେ, ତାହା ମଧ୍ୟ ମାନ୍ୟତା ରହିଛି । ନିୟମର ପାଳନ ନକରିବା ଦ୍ୱାରା ଜାତକରେ ଗ୍ରହଙ୍କ କୁପ୍ରଭାବ ସହ କାଙ୍ଗାଳ କରି ଦେଇଥାଏ ।

ମଙ୍ଗଳବାର – ମଙ୍ଗଳବାର କେଶରେ ତେଲ ଲଗାଇଲେ ଜୀବନରେ ସର୍ବଦା ଦୁଃଖ ଲାଗି ରହିଥାଏ । କିଛି ନା କିଛି ସମସ୍ୟା ଜୀବନରେ ଲାଗି ରହିଥାଏ ।

ଶୁକ୍ରବାର – ଏହି ଦିନ ତେଲ ଲଗାଇଲେ କର୍ମକ୍ଷେତ୍ରରେ ସମସ୍ୟା ହୋଇଥାଏ । ଗୋଟିଏ କାମ ଦୀର୍ଘ ଦିନ ଧରି ଅଟକି ରହିଥାଏ ।

ଗୁରୁବାର – ଏହି ଦିନ ତେଲ ଲଗାଇଲେ ସୌଭାଗ୍ୟ ଦୂର ହୋଇଯାଏ । ଜୀବନରେ ସମସ୍ୟା ଲାଗି ରହିଥାଏ ।

ରବିବାର – ଧାର୍ମିକ ମାନ୍ୟତା ଅନୁସାରେ ରବିବାର ତେଲ ଲଗାଇଲେ ସବୁବେଳେ ସ୍ୱାସ୍ଥ୍ୟ ଜନିତ ସମସ୍ୟା ଲାଗି ରହିଥାଏ ।

ମାନ୍ୟତା ଅନୁସାରେ, ସୋମବାର ତେଲ ଲଗାଇବା ଦ୍ୱାରା ସୌନ୍ଦର୍ୟ୍ୟ ବୃଦ୍ଧି ହୋଇଥାଏ ।

ବୁଧବାର ତେଲ ଲଗାଇବା ଦ୍ୱାରା ସୌଭାଗ୍ୟ ବୃଦ୍ଧି ସହ ପ୍ରତ୍ୟେକ କ୍ଷେତ୍ରରେ ସଫଳତା ମିଳିଥାଏ ।

ଶନିବାର ତେଲ ଲଗାଇବା ଦ୍ୱାରା ସଦ୍‌ବୁଦ୍ଧି ସହ ଧନ ସମ୍ପତ୍ତି ବୃଦ୍ଧି ହୋଇଥାଏ ।

Powered by Froala Editor