ଅଲ୍ଲୁଙ୍କ ଗିରଫଦାରୀ : ମାମଲା ପ୍ରତ୍ୟାହାର କରିଦେବେ ମୃତ ମହିଳାଙ୍କ ସ୍ୱାମୀ !
ହାଇଦ୍ରାବାଦର ଥିଏଟରରେ ଦଳଚକଟାରେ ଜଣେ ମହିଳାଙ୍କ ମୃତ୍ୟୁ ଘଟଣାରେ ଅଲ୍ଲୁ ଅର୍ଜୁନ ଗିରଫ ହୋଇ ଜେଲ ଯିବା ପରେ ତେଲଙ୍ଗାନା ହାଇକୋର୍ଟରୁ ଅନ୍ତରୀଣ ଜାମିନ ପାଇଛନ୍ତି । ଏସବୁ ଭିତରେ ଅଲ୍ଲୁ ଅର୍ଜୁନଙ୍କ ‘ଲୋକ ସଂପର୍କ ଟିମ୍’ ଦାବି କରିଛି ଯେ ମୃତ ମହିଳାଙ୍କ ସ୍ୱାମୀ ମାମଲା ପ୍ରତ୍ୟାହାର କରି ନେବା ପାଇଁ ରାଜି ହୋଇଛନ୍ତି ।
ଆଜି ସକାଳେ ଅଲ୍ଲୁ ଅର୍ଜୁନଙ୍କୁ ପୁଲିସ ଗିରଫ କରିବା ପରେ ଚିକ୍କଡପଲ୍ଲୀ ଥାନାକୁ ନେଇଥିଲା। ସେଠାରୁ ତାଙ୍କୁ ନାମପଲ୍ଲୀ କୋର୍ଟରେ ହାଜର କରାଯାଇଥିଲା। କୋର୍ଟ ତାଙ୍କୁ ୧୪ ଦିନ ପାଇଁ ବିଚାର ବିଭାଗୀୟ ହାଜତକୁ ପଠାଇ ଦେଇଛନ୍ତି। ଗିରଫ ହୋଇ ଜେଲ ଯିବା ପରେ ତେଲଙ୍ଗାନା ହାଇକୋର୍ଟରୁ ଅନ୍ତରୀଣ ଜାମିନ ପାଇଛନ୍ତି ।
ଅନ୍ୟପକ୍ଷରେ ଏହି ମାମଲାରେ ମୃତ ୩୯ ବର୍ଷୀୟା ମହିଳା ରେବତୀଙ୍କ ସ୍ୱାମୀ ଭାସ୍କର କାଳେ କହିଛନ୍ତି, ମୁଁ ମାମଲା ଉଠାଇ ନେବାକୁ ପ୍ରସ୍ତୁତ ଅଛି। ଅଲ୍ଲୁ ଅର୍ଜୁନଙ୍କୁ ଗିରଫ କରାଯାଇଥିବା କଥା ମୁଁ ଜାଣି ନଥିଲି। ଏହି ଦଳାଚକଟା ସହିତ ତାଙ୍କର କିଛି ଭୂମିକା ନାହିଁ।
Powered by Froala Editor
