ଆଲଫା, ଡେଲ୍ଟା ଭାରିଆଣ୍ଟକୁ ମାତ୍ ଦେଉଛି କୋଭାକ୍ସିନ୍: ଏନ୍ଆଇଏଚ୍
ନୂଆଦିଲ୍ଲୀ: କୋଭାକ୍ସିନ୍ ଟିକା ନେଇଥିବା ବ୍ୟକ୍ତିଙ୍କ ପାଇଁ ଖୁସି ଖବର । ଏହା ଆଲ୍ଫା ଓ ଡେଲ୍ଟା ଭାରିଆଣ୍ଟକୁ ମାତ୍ ଦେବାରେ ସକ୍ଷମ ହେଉଛି । ଯଦି କେହି ଟିକା ନେବା ପରେ କୋଭିଡ୍ରେ ସଂକ୍ରମିତ ହେଉଛନ୍ତି, ତେବେ ସେମାନଙ୍କୁ ହସ୍ପିଟାଲ୍ରେ ଭର୍ତ୍ତି କରିବାକୁ ପଡ଼ୁନି । ଏଭଳି ଏକ ଖୁଲାସା କରିଛି ଆମେରିକାର ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ହେଲ୍ଥ (ଏନ୍ଆଇଏଚ୍) ।
ସଂସ୍ଥା ପକ୍ଷରୁ କୁହାଯାଇଛି ଯେ ଭାରତ ବାୟୋଟେକ୍ ଦ୍ୱାରା ନିର୍ମିତ କୋଭାକ୍ସିନ ଟିକା ନେବା ପରେ ଶରୀରରେ ଆଣ୍ଟିବଡି ତିଆରି ହେଉଛି । ମୋଟ୍ ୬୧୭ ପ୍ରକାର ଭାରିଆଣ୍ଟ ବିରୋଧରେ କୋଭାକ୍ସିନ କାମ କରୁଛି ।
କୋଭାକ୍ସିନ୍ ଗ୍ରହଣ କରୁଥିବା ଲୋକଙ୍କଠାରୁ ରକ୍ତ ସେରମ୍ ଅଧ୍ୟୟନରୁ ଜଣାପଡିଛି ଯେ ଟିକା ବିକଶିତ ହୋଇଥାଏ ଆଣ୍ଟିବଡି । ପ୍ରଥମେ ବ୍ରିଟେନ ଏବଂ ଭାରତରେ କରୋନା ଭୂତାଣୁ ଆଲଫା ଏବଂ ଡେଲ୍ଟା ଭାରିଆଣ୍ଟ ଉପରେ ଏହା ଅଧିକ ପ୍ରଭାବଶାଳୀ ହେଉଛି ।
ପୂର୍ବରୁ ଆମେରିକାର ସଂକ୍ରମଣ ରୋଗ ବିଶେଷଜ୍ଞ ଡାକ୍ତର ଆନ୍ଥୋନୀ ଫାଉନ୍ସି ମଧ୍ୟ କୋଭାକ୍ସିନକୁ ପ୍ରଶଂସା କରି ସାରିଛନ୍ତି । ଫାଉନ୍ସି କହିଥିଲେ ଯେ ଭାରତରେ ନିର୍ମିତ କୋଭାକ୍ସିନ୍ କରୋନାର ୬୧୭ ଭାରିଆଣ୍ଟ ବିରୋଧରେ ପ୍ରଭାବୀ । କୋଭାକ୍ସିନ ଦ୍ୱିତୀୟ ପର୍ଯ୍ୟାୟ ପରୀକ୍ଷାରୁ ମିଳିଥିବା ତଥ୍ୟ ଅନୁଯାୟୀ ଏହି ଟିକା ସମ୍ପୂର୍ଣ୍ଣ ସୁରକ୍ଷିତ । ତୃତୀୟ ପର୍ଯ୍ୟାୟ ପରୀକ୍ଷଣର ଫଳାଫଳ ଏପର୍ଯ୍ୟନ୍ତ ପ୍ରକାଶିତ ହୋଇନାହିଁ । ତେବେ ମଧ୍ୟବର୍ତ୍ତୀ ଫଳାଫଳ ଅନୁଯାୟୀ, ଏହି ଟିକା ୭୮ ପ୍ରତିଶତ ପର୍ଯ୍ୟନ୍ତ ପ୍ରଭାବଶାଳୀ ।
Powered by Froala Editor
