ମୁଗ ଡାଲି ଖେଚେଡି: -ଡାକ୍ତର କହିବା ଅନୁସାରେ ଯଦି ଆପଣଙ୍କର ଶିଶୁର ବୟସ ୬ମାସ ହୋଇସାରିଛି । ତେବେ ଆପଣ ତାଙ୍କୁ ମୁଗ ଡାଲି ଖେଚେଡି କରି ଖାଇବାକୁ ଦେଇପାରିବେ । ପୋଷକ ତତ୍ୱରେ ଭରପୂର ମୁଗ ଡାଲି ଖେଚେଡି ହଜମ ହେବା ସହଜ ହୋଇଥାଏ । ଏଥିପାଇଁ ମୁଗ ଡାଲି ଓ ଚାଉଳରେ ଟିକେ କଦଳୀ, ହଳଦୀ ଏବଂ ଲୁଣ ମିଶାଇ ଭଲ ଭାବରେ ରାନ୍ଧନ୍ତୁ । ଏହାପରେ ଏହାକୁ ଭଲ ଭାବରେ ଗୋଳାଇ ଖେଚେଡି ପ୍ରସ୍ତୁତ କରନ୍ତୁ । ଏବଂ ଏହାକୁ ଏକ ଜାଲିରେ ମିସ୍କ କରିବା ପରେ ତରଳ ଭାବେ ଶିଶୁଙ୍କୁ ଖାଇବାକୁ ଦିଅନ୍ତୁ ।

ସେଓ ଖିରୀ: -ଡାକ୍ତରଙ୍କ ପରାମର୍ଶ ଅନୁଯାୟୀ ୬ମାସର ଶିଶୁଙ୍କୁ ସେଓ ଖିରୀ ଖାଇବାକୁ ଦେଇପାରିବେ । ସେଓରେ ଭିଟାମିନ୍‍, ମିନେରାଲ୍ସ ଏବଂ ଆଣ୍ଟିଅକ୍ସିଡାଣ୍ଟ ପ୍ରଚୁର ପରିମାଣରେ ରହିଥାଏ । ସେଓରୁ ଚୋପା ଛଡ଼ାଇ, ମଞ୍ଜି ବାହାର କରି କାଟିବା ପରେ ସିଝାଇ ଦିଅନ୍ତୁ । ଏହା ଥଣ୍ଡା ହେବା ପରେ ଜାଲିରେ ମିଶ୍ରଣ କରି ପିଲାଙ୍କୁ ଖାଇବାକୁ ଦିଅନ୍ତୁ ।
ଦଲିଆ: ବିଶେଷଜ୍ଞଙ୍କ ମତରେ ୬ମାସର ଶିଶୁଙ୍କୁ ଦଲିଆ ଖୁଆଇବା ଅତ୍ୟନ୍ତ ଲାଭଦାୟକ ହୋଇଥାଏ । ହେଲେ ବଜାରରେ ମିଳୁଥିବା ପ୍ୟାକେଟ ଦଲିଆ ନୁହେଁ ବରଂ ଘରେ ଦଲିଆ ପ୍ରସ୍ତୁତ କରି ଦେଇପାରିବେ । ଏଥିପାଇଁ କଦଳୀକୁ ଫୁଟାନ୍ତୁ, ଏବଂ ଭଲ ଭାବରେ ମିଶ୍ରଣ କରନ୍ତୁ । ତା ପରେ କ୍ଷୀର ସହିତ ରାନ୍ଧି ପିଲାଙ୍କୁ ଖାଇବାକୁ ଦିଅନ୍ତୁ । ଏହା କରିବା ଦ୍ୱାରା ଶିଶୁର ଶାରୀରିକ ବିକାଶରେ ସହାୟକ ହେବ ଏବଂ ହଜମ ପ୍ରକ୍ରିୟା ମଧ୍ୟ ଠିକ୍‍ ରହିବ ।

କଦଳୀ: -ଶିଶୁଙ୍କୁ ୬ମାସ ହେବା ପରେ ପାଚିଲା କଦଳୀ ଖାଇବାକୁ ଦେଇପାରିବେ । ଏଥିରେ ଫାଇବର ଭରପୂର ରହିଥାଏ, ଯାହା ହଜମ ପ୍ରକ୍ରିୟାକୁ ଉନ୍ନତ କରିଥାଏ । ପାଚିଲା କଦଳୀ ଖାଇବା ଦ୍ୱାରା କୋଷ୍ଠକାଠିନ୍ୟ ସମସ୍ୟାରୁ ମୁକ୍ତି ମିଳିଥାଏ । ଏଥିପାଇଁ ପାଚିଲା କଦଳୀକୁ ଛୋଟ ଛୋଟ ଖଣ୍ଡ କରି କାଟି ଦିଅନ୍ତୁ । ତା ପରେ ଏହାକୁ ଏକ ଚାମଚରେ ମିଶାଇ ପିଲାକୁ ଖାଇବାକୁ ଦିଅନ୍ତୁ ।

ଗାଜର:- ଗାଜରରେ ପୁଷ୍ଟିକର ଖାଦ୍ୟ ଭରପୂର ଥାଏ । ଏଥିରେ ଅନେକ ପ୍ରକାର ଭିଟାମିନ୍‍ ଏବଂ ମିନେରାଲ୍ସ ମଧ୍ୟ ରହିଛି । ପିଲାମାନଙ୍କ ପାଇଁ ଗାଜର ଶାରୀରିକ ବିକାଶରେ ସାହାଯ୍ୟ କରିବ । ଏଥିପାଇଁ ଗାଜରକୁ ଭଲ ଭାବରେ ଧୋଇବା ପରେ ଛାଣି, ଛୋଟ ଛୋଟ ଖଣ୍ଡ କରି କାଟି ଦିଅନ୍ତୁ । ତା ପରେ ଏହାକୁ ପାଣିରେ ଭଲ ଭାବରେ ଫୁଟାନ୍ତୁ । ସିଝିବା ପରେ ଗ୍ରାଇଣ୍ଡରେ ମିଶ୍ରଣ କରି ପିଲାଙ୍କୁ ଖାଇବାକୁ ଦିଅନ୍ତୁ।

Powered by Froala Editor