‘ହୀରାମଣ୍ଡି’ ଓ୍ବେବସିରିଜରେ ଚମକଦାର ଅଭିନୟରେ ଦର୍ଶକଙ୍କ ମନକୁ କିଣି ନେଇଥିବା ବଲିଉଡ୍ ଅଭିନେତ୍ରୀ ଅଦିତି ରାଓ ହେଦରୀ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଅଦିତି ନିଜର ପ୍ରେମିକ ବଲିଉଡ ଅଭିନେତା ସିଦ୍ଧାର୍ଥଙ୍କ ସହ ବିବାହ କରିଛନ୍ତି । ଉଭୟ କପଲ୍ ମାର୍ଚ୍ଚ ମାସରେ ନିର୍ବନ୍ଧ କରିଥିଲେ ଓ ଫ୍ୟାନ୍ସମାନେ ସେମାନଙ୍କ ବିବାହକୁ ଅପେକ୍ଷା କରିଥିଲେ । ଶେଷରେ ଏହି କପଲ୍ ସିକ୍ରେଟ୍ ରେ ବିବାହ କରିଛନ୍ତି । ଏହି ଅଭିନେତ୍ରୀ ସିଦ୍ଧାର୍ଥଙ୍କ ସହ ତାଙ୍କ ବିବାହର ପ୍ରଥମ ଫଟୋ ମଧ୍ୟ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଯେଉଁଥିରେ କି ସେ ନିଜକୁ ମିଷ୍ଟର ଏବଂ ମିସେସ୍ ଅଦୁ-ସିଦ୍ଧୁ ବୋଲି କହି ସମ୍ବୋଧନା କରିଛନ୍ତି ।

ଦୁହେଁ ବାନାପର୍ଥୀରେ ଥିବା ୪୦୦ ବର୍ଷ ପୁରୁଣା ଶ୍ରୀରଙ୍ଗ ମନ୍ଦିରରେ ଗୁପ୍ତ ଭାବରେ ବିବାହ କରିଛନ୍ତି । ବିବାହ ଫଟୋରେ ଏହି ଦମ୍ପତି ଟ୍ରାଡିସନାଲ ଆଉଟଫିଟରେ ନଜର ଆସିଛନ୍ତି । ବିବାହ ଘୋଷଣା କରିବାବେଳେ ଅଭିନେତ୍ରୀ ନିଜ ଇନଷ୍ଟାଗ୍ରାମରେ ବିବାହ ଫଟୋ ସେୟାର କରିଛନ୍ତି । ଫଟୋ ସେୟାର କରିବାବେଳେ ଅଭିନେତ୍ରୀ ଏକ ହୃଦୟସ୍ପର୍ଶୀ କ୍ୟାପସନ୍ ମଧ୍ୟ ଲେଖିଛନ୍ତି । ଆଦିତି ଲେଖିଛନ୍ତି, “ତୁମେ ମୋର ସୂର୍ଯ୍ୟ, ମୋର ଚନ୍ଦ୍ର ଏବଂ ମୋର ସମସ୍ତ ତାରା … ଅନନ୍ତକାଳ ପାଇଁ ପିକ୍ସୀ ସୋଲମେଟ୍ ରହିବା ହେବା … ହସିବା ପାଇଁ, କେବେ ବଡ଼ ନହେବା ପାଇଁ … ଅନନ୍ତକାଳ ପ୍ରେମ କରିବା ପାଇଁ, ଆଲୋକ ଏବଂ ଯାଦୁ ପାଇଁ, ମିସେସ୍ ଆଣ୍ଡ ମିଷ୍ଟର୍ ଅଦୁ-ସିଦ୍ଧୁ ।’

ସୂଚନା ଅନୁସାରେ ,ଦୁହିଁଙ୍କର ଏହା ଦ୍ବିତୀୟ ବିବାହ ଅଟେ । ଅଦିତିଙ୍କର ପ୍ରଥମ ବିବାହ ସତ୍ୟଦୀପ ମିଶ୍ରାଙ୍କ ସହ ହୋଇଥିଲା । ଯିଏ କି ଏବେ ଅଭିନେତ୍ରୀ ତଥା ଫେସନ୍ ଡିଜାଇନର ମସାବା ଗୁପ୍ତାଙ୍କର ସ୍ବାମୀ । ସେହିପରି ସିଦ୍ଧାର୍ଥଙ୍କର ମଧ୍ୟ ପ୍ରଥମ ବିବାହ ବେଶି ଦିନ ରହିପାରିନଥିଲା ।

Powered by Froala Editor