ବିବାଦୀୟ ବୟାନ ନା ବ୍ୟକ୍ତିଗତ କାରଣ : ଇସ୍ତଫା ଦେଲେ କେସି ତ୍ୟାଗୀ
ଇସ୍ତଫା ଦେଇଛନ୍ତି ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଅତି ଘନିଷ୍ଠ କୁହାଯାଉଥିବା କେସି ତ୍ୟାଗୀ। ସେ ଦଳର ଦଳର ଜାତୀୟ ମୁଖପାତ୍ର ପଦରୁ ଇସ୍ତଫା ଦେଇଛନ୍ତି। ବ୍ୟକ୍ତିଗତ କାରଣ ଦର୍ଶାଇ ସେ ଇସ୍ତଫା ଦେଇଥିବା କୁହାଯାଇଛି। ତ୍ୟାଗୀଙ୍କ ଇସ୍ତଫା ପରେ ରାଜୀବ ରଞ୍ଜନ ପ୍ରସାଦ ଦଳର ମୁଖପାତ୍ର ହୋଇଛନ୍ତି। ଏନେଇ ଦଳର ସାଧାରଣ ସମ୍ପାଦକ ଆଫାକ ଅହମ୍ମଦ ଖାନ ଏକ ଚିଠି ଜାରି କରି ଏହି ସୂଚନା ଦେଇଛନ୍ତି।
ବ୍ୟକ୍ତିଗତ କାରଣ ଯୋଗୁ କେସି ତ୍ୟାଗୀ ଇସ୍ତଫା ଦେଇଥିବା କଥା କୁହାଯାଉଥିଲେ ମଧ୍ୟ ଏହା ପଛରେ ଅନେକ କାରଣ ଲୁଚି ରହିଛି। ଆଞ୍ଚଳିକ ଦଳର ନେତାଙ୍କ ପାଇଁ ଜାତୀୟ ଗଣମାଧ୍ୟମରେ ହାଇ ପ୍ରୋଫାଇଲ ଥାଇ ମଧ୍ୟ କେନ୍ଦ୍ର ସରକାରଙ୍କ ନୀତି ଉପରେ ତ୍ୟାଗୀଙ୍କ ବାରମ୍ବାର ମନ୍ତବ୍ୟ ଭାଜପା-ଜେଡି (ୟୁ) ମିଳିତ ମେଣ୍ଟ ପାଇଁ ଅସହଯୋଗୀ ବୋଲି ଜଣାପଡ଼ିଛି। ତାଙ୍କର ଲଗାତର ବିବାଦୀୟ ବୟାନ ଯୋଗୁ ଦଳ ଭିତରେ ଓ ବାହାରେ ସୃଷ୍ଟି ହୋଇଥିବା ମତଭେଦ ସାମିଲ ଅଛି।
ସୂଚନା ମୁତାବକ ଇସ୍ରାଏଲ-ପାଲେଷ୍ଟାଇନ ପ୍ରସଙ୍ଗରେ ତାଙ୍କ ବିବୃତ୍ତି ଯୋଗୁଁ କେସି ତ୍ୟାଗୀଙ୍କୁ ଇସ୍ତଫା ଦେବାକୁ ପଡ଼ିଛି। କାରଣ ଦଳ ଏହି ତାଙ୍କର ଏହି ବିବୃତ୍ତିରେ ଖୁସି ନାହିଁ। ତେଣୁ ସେ ଇସ୍ତଫା ଦେଇଛନ୍ତି।
Powered by Froala Editor
