ଆଗାମୀ ବିଧାନସଭା ନିର୍ବାଚନରେ ମହାରାଷ୍ଟ୍ରର ପୂର୍ବତନ ଡିଜିପି ସଞ୍ଜୟ ପାଣ୍ଡେ ପ୍ରତିଦ୍ୱନ୍ଦ୍ୱିତା କରିବେ ବୋଲି ଘୋଷଣା କରିଛନ୍ତି। ପୂର୍ବତନ ଡିଜିପି ସଞ୍ଜୟ ପାଣ୍ଡେ ମୁମ୍ବାଇର ଭର୍ସୋଭା ଆସନରୁ ବିଧାନସଭା ର୍ନିବାଚନରେ ପ୍ରତିଦ୍ୱନ୍ଦ୍ୱିତା କରିବେ। ଏହାପୂର୍ବରୁ ସେ ତାଙ୍କର ରାଜନୈତିକ ଦଳ “ରାଷ୍ଟ୍ରୀୟ ଜନହିତ ପାର୍ଟି” ମଧ୍ୟ ଗଠନ କରିବେ। ଏଥିସହ ସେ କହିଛନ୍ତି, ସକ୍ରିୟ ରାଜନୀତିକୁ ଓହ୍ଲାଇବାକୁ ଦୀର୍ଘ ସମୟ ହେଲା ଚିନ୍ତା କରୁଥିଲି। ତେଣୁ ଏଥର ବିଧାନସଭା ନିର୍ବାଚନ ଲଢ଼ିବି ବୋଲି ନିଷ୍ପତ୍ତି ନେଇଛି। ଏହି ଅଞ୍ଚଳରେ ମୁଁ ବହୁ ବର୍ଷ ହେଲା ରହି ଆସୁଥିବାରୁ ଏଠାକାର ସବୁ ବର୍ଗ ମୋତେ ସମର୍ଥନ ଜଣାଇବେ ବୋଲି ଆଶା ରଖିଛି।

ପୂର୍ବତନ ଡିଜିପି ମୁମ୍ବାଇର ଉତ୍ତର-ପଶ୍ଚିମ ଆସନରୁ ଜଣେ ସ଼୍ବାଧୀନ ପ୍ରାର୍ଥୀ ଭାବରେ ର୍ନିବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ପ୍ରସ୍ତୁତ ହୋଇଥିଲେ ମଧ୍ୟ ପରବର୍ତ୍ତୀ ସମୟରେ ସେ ତାଙ୍କ ନାମାଙ୍କନ ପ୍ରତ୍ୟାହାର କରିନେଇଥିଲେ। ଯେତେବେଳେ ପାଣ୍ଡେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଥିଲେ ସେତେବେଳେ ସେ ମୁମ୍ବାଇର ପୋଲିସ କମିଶନର ହୋଇଥିଲେ। ଉଦ୍ଧବ ଠାକରେଙ୍କ ଘନିଷ୍ଠ ସଞ୍ଜୟ ପାଣ୍ଡେଙ୍କୁ ଜୁନ ୨୦୨୨ରେ ଇଡି ଗିରଫ କରିଥିବାବେଳେ ସେପ୍ଟେମ୍ବରରେ NSE ଫୋନ ଟ୍ୟାପ ମାମଲାରେ ସିବିଆଇ ତାଙ୍କୁ ଗିରଫ କରିଥିଲା।

ଏଥର ବିଧାନସଭା ନିର୍ବାଚନରେ ନିଜ ଭାଗ୍ୟ ପରୀକ୍ଷା କରିବେ ସଞ୍ଜୟ ପାଣ୍ଡେ କହିଛନ୍ତି।

Powered by Froala Editor