ରିୟା ଦେଙ୍କ ନାଁରେ ସଙ୍ଗୀନ ଅଭିଯୋଗ : ଘରେ କାମ କରୁଥିବା ଝିଅକୁ ସ୍ୱାମୀଙ୍କ ସହ ମିଶି ପିଟୁଥିଲେ
![ରିୟା ଦେଙ୍କ ନାଁରେ ସଙ୍ଗୀନ ଅଭିଯୋଗ : ଘରେ କାମ କରୁଥିବା ଝିଅକୁ ସ୍ୱାମୀଙ୍କ ସହ ମିଶି ପିଟୁଥିଲେ](https://odishanewslens.com/news_gallery/31149_1720558682.jpg)
ଓଲିଉଡ୍ ଅଭିନେତ୍ରୀ ରିୟା ଦେଙ୍କ ନାଁରେ ଆସିଛି ନାବାଳିକାକୁ ନିର୍ଯାତନା ଦେଉଥିବା ଭଳି ସଙ୍ଗୀନ ଅଭିଯୋଗ ହୋଇଛି । ତାଙ୍କ ପାଖରେ କାମ କରୁଥିବା ଜଣେ ନାବାଳିକାଙ୍କୁ ସେ ନିର୍ଯାତନା ଅସହ୍ୟ ମାଡଗାଳି ଦେଉଥିବା ଚନ୍ଦ୍ରଶେଖରପୁର ଥାନାରେ ଥଭିଯୋଗ ହୋଇଛି । ଖାଲି ମାଡ ନୁହେଁ ରିୟାଙ୍କ ସ୍ୱାମୀ ବିୟର ବୋତଲରେ ନାବାଳିକାର ମୁଣ୍ଡକୁ ପିଟିଥିବା ମଧ୍ୟ ଅଭିଯୋଗ ହୋଇଛି । ଏନେଇ ଚାଇଲ୍ଡ ଲାଇନ୍ ପକ୍ଷରୁ ଥାନାରେ ଅଭିଯୋଗ ପରେ ପୁଲିସ୍ ଜିରୋ ଏତଲା ଗ୍ରହଣ କରିଛି । ଉକ୍ତ ମାମଲା କଟକକୁ ହସ୍ତାନ୍ତର କରାଯିବ ବୋଲି ଜଣାପଡ଼ିଛି ।
ପୁଲିସ ସୂଚନା ମୁତାବକ, ନାବାଳିକାଙ୍କ ଘର ସାଲେପୁରରେ । ତାଙ୍କ ଘର ପାଖର ଜଣେ ମହିଳାଙ୍କୁ ସେ କାମ ବୁଝିବା ପାଇଁ କହିଥିଲେ । ମହିଳା ଜଣକ ଭୁବନେଶ୍ୱରରେ ରହୁଥିଲେ । ସେ ନାବାଳିକାଙ୍କୁ ଆଣି ରିୟାଙ୍କ କଟକ ସ୍ଥିତ ଘରେ ସହାୟିକା ଭାବେ କାମରେ ରଖିଥିଲେ । ମାସକୁ ୮ ହଜାର ଟଙ୍କା ଦେବେ ବୋଲି କହିଥିଲେ ।
ହେଲେ ଟଙ୍କା ଦେବାତ ଦୂରର କଥା । ଓଲଟା ଛୋଟ ଭୁଲ୍ ପାଇଁ ରିୟା ଓ ତାଙ୍କ ସ୍ୱାମୀ ତାଙ୍କୁ ନିସ୍ତୁକ ମାଡ଼ ମାରୁଥିଲେ । ନାବାଳିକା ଜଣକ ପରିବାର କଥା ଭାବି ଚୁପଚାପ ସବୁ ସହୁଥିଲେ । ହେଲେ ୨ଦିନ ତଳେ ନିର୍ଯାତନା ଥଧିକ ହୋଇଥିଲା । ନାବାଳିକାକୁ ରିୟା ଶହେ ଥର ଉଠ୍ବସ୍ କରାଇବା ସହ ସହ ଅଶ୍ଳୀଳ ଭାଷାରେ ଗାଳି କରିଥିଲେ । ନିଶାସକ୍ତ ଥବସ୍ଥାରେ ରିୟାଙ୍କ ସ୍ୱାମୀ ମଧ୍ୟ ତାଙ୍କ ମୁଣ୍ଡକୁ ବିୟର ବୋତଲରେ ବାଡ଼େଇଥିଲେ ।
ପଶୁ ଭଳି ନିର୍ଯାତନା ସହିନପାରି ରିୟାଙ୍କ ପରିବାର ଶୋଇଥିବା ସମୟରେ ସେ ଘର ଛାଡ଼ି ଭୁବନେଶ୍ୱରରେ ରହୁଥିବା ମହିଳାଙ୍କ ଘରକୁ ଆସିଥିଲେ । ବାହାରେ ବସି ନାବାଳିକା ଜଣଙ୍କ କାନ୍ଦୁଥିବାବେଳେ ଜଣେ ମହିଳା ଚାଇଲ୍ଡ ଲାଇନ୍କୁ ଖବର ଦେଇଥିଲେ । ଚାଇଲ୍ଡ ଲାଇନ୍ ଟିମ୍ ଘଟଣାସ୍ଥଳରେ ପହଞ୍ଚି ନାବାଳିକାକୁ ଉଦ୍ଧାର କରିଛନ୍ତି । ରିୟା ଓ ତାଙ୍କ ପରିବାର ନାଁରେ ମାମଲା ରୁଜୁ ହୋଇଛି । ଏ ଘଟଣା ଜଣାପଡିବା ପରେ ଓଲିଉଡରେ କଥା ନିଆ ଭଳି ବ୍ୟାପିଛି ।
ରିୟା ଦେ ଜଣେ ଜଣାଶୁଣା ଅଭିନେତ୍ରୀ । ବହୁ ଫିଲ୍ମ ସହିତ ରିୟାଲିଟି ସୋ ମଧ୍ୟ କରନ୍ତି । ତାଙ୍କ ବିରୋଧରେ ଏଭଳି ସଙ୍ଗୀନ ଅଭିଯୋଗ ଆସିବା ପରେ ସବୁଠି ଚର୍ଚ୍ଚା ଜୋର ଧରିଛି ।
Powered by Froala Editor