ବାହା! କି ଚମତ୍କାର ଫିଲ୍ମ: 'କଲ୍କୀ ୨୮୯୮ ଏଡି'କୁ ପ୍ରଶଂସା କଲେ ରଜନୀକାନ୍ତ
ବହୁ ପ୍ରତୀକ୍ଷିତ ଚଳଚ୍ଚିତ୍ର 'କଲ୍କୀ ୨୮୯୮ ଏଡି' ଜୁନ୍ ୨୭ରେ ପ୍ରେକ୍ଷାଳୟକୁ ଆସିଛି। ନାଗ ଅଶ୍ୱିନଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ରକୁ ନେଇ ଚାରିଆଡେ ପ୍ରଶଂସାର ସୁଅ। ଦକ୍ଷିଣର ସୁପରଷ୍ଟାର ରଜନୀକାନ୍ତ ମଧ୍ୟ ଏହାକୁ ପ୍ରଶଂସା କରିଛନ୍ତି।
ରଜନୀକାନ୍ତ 'କଲ୍କୀ ୨୮୯୮ ଏଡି'ର ଟିମ୍କୁ ମଧ୍ୟ ପ୍ରଶଂସା କରିଛନ୍ତି ଏବଂ କହିଛନ୍ତି ଯେ ଏହି ଚଳଚ୍ଚିତ୍ର ଭାରତୀୟ ସିନେମାକୁ ଏକ ଭିନ୍ନ ସ୍ତରକୁ ନେଇଯିବ। ରଜନୀକାନ୍ତ ତାଙ୍କ X ଆକାଉଣ୍ଟରେ ଫିଲ୍ମ ଟିମ୍ ପାଇଁ ଏକ ନୋଟ୍ ଲେଖିଛନ୍ତି ଆଉ କହିଛନ୍ତି, "ମୁଁ ଏହି ଫିଲ୍ମ ଦେଖିଛି। ବାହା! କି ଚମତ୍କାର ଫିଲ୍ମ। ନିର୍ଦ୍ଦେଶକ ନାଗ ଅଶ୍ୱିନ ଭାରତୀୟ ସିନେମାକୁ ଏକ ଭିନ୍ନ ସ୍ତରକୁ ନେଇଛନ୍ତି। ମୋର ପ୍ରିୟ ବନ୍ଧୁ ଅଶ୍ୱିନୀ ଦତ୍ତ, ପ୍ରଭାସ, କମଲ ହାସନ, ଦୀପିକା ପାଦୁକୋନ ଏବଂ 'କଲ୍କୀ ୨୮୯୮ ଏଡି' ଟିମ୍କୁ ହାର୍ଦ୍ଦିକ ଅଭିନନ୍ଦନ। ପାର୍ଟ ୨ ପାଇଁ ଉତ୍ସାହର ସହିତ ଅପେକ୍ଷା। ଭଗବାନ ମଙ୍ଗଳ କରନ୍ତୁ।"
‘କଳ୍କୀ ୨୮୯୮ ଏଡି’ ଚଳଚ୍ଚିତ୍ରରେ ଅମିତାଭ ବଚ୍ଚନ ଭଗବାନ ବିଷ୍ଣୁଙ୍କ ଦଶମ ଅବତାର ‘କଳ୍କୀ’କୁ ଅପେକ୍ଷା କରିଥିବା ଅଶ୍ୱତ୍ଥମାଙ୍କ ଭୂମିକାରେ ଅଭିନୟ କରିଛନ୍ତି। ରିପୋର୍ଟ ଅନୁଯାୟୀ, ‘କଳ୍କୀ ୨୮୯୮ ଏଡି’ ଚଳଚ୍ଚିତ୍ରଟି ଉଦଘାଟନୀ ଦିନରେ ରେକର୍ଡ ଭାଙ୍ଗିଥିଲା । ପ୍ରଥମ ଦିନରେ ‘କଳ୍କୀ’ ବିଶ୍ୱ ବକ୍ସ ଅଫିସରେ ୧୯୧ କୋଟି ଟଙ୍କା ସଂଗ୍ରହ କରିଛି। ‘କଳ୍କୀ ୨୮୯୮ ଏଡି’ ତେଲୁଗୁ ଭାଷାରେ ସର୍ବାଧିକ କଲେକସନ୍ କରିଛି। ଏହି ଚଳଚ୍ଚିତ୍ର ତେଲୁଗୁ ଭାଷାରେ ୧୨୬.୯ କୋଟି ଟଙ୍କା ଆୟ କରିଥିବାବେଳେ ହିନ୍ଦୀରେ ୭୨.୫ କୋଟି ଟଙ୍କା ଆୟ କରିଛି।
Powered by Froala Editor
