କଲର୍ସ ଚ୍ୟାନେଲର ଲୋକପ୍ରିୟ କାର୍ଯ୍ୟକ୍ରମ 'ଡ୍ୟାନ୍ସ ଦିଓ୍ଵାନେ ୪'ର ବିଜେତା ହୋଇଛନ୍ତି ଗୌରବ ଶର୍ମା ଏବଂ ନୀତିନ । ଏହି ଅବସରରେ ବିଜେତାଙ୍କୁ ଟ୍ରଫି ସହ ୨୦ ଲକ୍ଷ ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଛି। ୨୨ ବର୍ଷୀୟ ଗୌରବ ଏବଂ ୧୯ ବର୍ଷୀୟ ନୀତିନ ଜବରଦସ୍ତ ଡ୍ୟାନ୍ସ ଯୋଗୁଁ କେବଳ ଜଜ ନୁହେଁ ଦର୍ଶକଙ୍କ ମନକୁ ଛୁଇଁପାରିଥିଲେ । ଏହି ସିଜିନ ଫେବୃଆରୀ ୨୦୨୪ରେ ଆରମ୍ଭ ହୋଇଥିଲା । ୩ ମାସ ଧରି ଚାଲିଥିବା ଏହି ଶୋରେ ମାଧୁରୀ ଦୀକ୍ଷିତ ଏବଂ ସୁନୀଲ ସେଟ୍ଟୀ ଜଜ୍‌ ଭାବେ ନଜର ଆସିଥିଲେ ।

ଗୌରବଙ୍କ ଘର ଦିଲ୍ଲୀରେ ହୋଇଥିବା ବେଳେ ନୀତିନଙ୍କ ଘର ବେଙ୍ଗାଲୁରୁରେ । ତେବେ ଗୌରବ ଏବଂ ନୀତିନଙ୍କ ସହିତ ଯୁବରାଜ ଓ ୟୁବାଂଶ, ଚିରାଶ୍ରୀ ଓ ଚୈନବୀର, ଶ୍ରୀରଙ୍ଗ ଓ ବର୍ଷା, ଦିବ୍ୟାଂଶ ଓ ହର୍ଷ, କାଶବୀ ଓ ତରନଜୋତ ଗ୍ରାଣ୍ଡ ଫାଇନାଲରେ ପହଞ୍ଚିଥିଲେ । ଶେଷରେ ୫ ଯୋଡ଼ିଙ୍କୁ ପଛରେ ପକାଇ ନିତିନ-ଗୌରବଙ୍କ ଯୋଡ଼ି ବିଜେତା ଟ୍ରଫି ହାସଲ କରିଛନ୍ତି। ବେଙ୍ଗାଲୁରୁର ନିତିନ ଓ ଦିଲ୍ଲୀର ଗୌରବ ଏହି କାର୍ଯ୍ୟକ୍ରମରେ ପ୍ରଥମରୁ ହିଁ ପରସ୍ପରଙ୍କୁ ସାହାଯ୍ୟ କରି ଆସୁଥିଲେ ଏବଂ ନିଜ ଦମ୍‌ଦାର୍‌ ନୃତ୍ୟ ଜରିଆରେ ଦର୍ଶକଙ୍କ ସହ ବିଚାରକଙ୍କ ପ୍ରିୟ ହୋଇପାରିଥିଲେ।

ଫାଇନାଲରେ ମାଧୁରୀ ଏବଂ ସୁନୀଲ ସେଟ୍ଟୀ ଡ୍ୟାନ୍ସ କରିଥିଲେ । କାର୍ତ୍ତିକ ଆର୍ଯ୍ୟନ ମଧ୍ୟ 'ଚନ୍ଦୁ ଚାମ୍ପିଅନ'ର ପ୍ରମୋସନ ପାଇଁ ଆସିଥିଲେ । 

Powered by Froala Editor