ଆଜିଠୁ ନିର୍ବାଚନ ପ୍ରଚାର ମଇଦାନକୁ ଓହ୍ଲାଇବେ ନବୀନ
ଭୁବନେଶ୍ୱର: ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜିଠୁ ନିର୍ବାଚନ ପ୍ରଚାର ମଇଦାନକୁ ଓହ୍ଲାଇବେ । ନବୀନ ନିଜେ ପ୍ରାର୍ଥୀ ହୋଇଥିବା ହିଞ୍ଜିଳି ବିଧାନସଭା ମଣ୍ଡଳୀରୁ ଆଜିଠୁ ପ୍ରଚାରର ଶଙ୍ଖନାଦ କରିବେ । ହିଞ୍ଜିଳିରୁ ବିଜେଡି ପ୍ରାର୍ଥୀ ହୋଇଥିବା ବିଜେଡି ସୁପ୍ରିମୋ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ମାତ୍ର ୨ଘଣ୍ଟିଆ ହିଞ୍ଜିଳି ଗସ୍ତରେ ଯାଇ ଦୁଇଟି ସାଧାରଣ ସଭାକୁ ସମ୍ବୋଧନ ଓ ନିଜ ସପକ୍ଷରେ ପ୍ରଚାର କରିବେ । ନବୀନ ହେଲିକପ୍ଟର ଯୋଗେ ଭୁବନେଶ୍ୱରରୁ ହିଞ୍ଜିଳିକାଟୁ ଯିବେ ଓ ସେଠାରେ ନିର୍ମିତ ଅସ୍ଥାୟୀ ହେଲିପ୍ୟାଡ଼ରେ ସକାଳ ସାଢ଼େ ୧୦ଟାରେ ପହଂଚିବେ । ସେଠାରେ ଗୋଟିଏ ସାଧାରଣ ସଭାକୁ ସମ୍ବୋଧିତ କରିବା ପରେ ସାଢ଼େ ୧୧ଟାରେ ଶେରଗଡ଼ ବସଷ୍ଟାଣ୍ଡଠାରେ ଅନ୍ୟ ଏକ ସାଧାରଣ ସଭାକୁ ସମ୍ବୋଧିତ କରି ୧୨ଟା ୧୫ରେ ଭୁବନେଶ୍ୱର ଅଭିମୁଖେ ଗସ୍ତ କରିବେ । ଦିନ ୧ଟାରେ ନବୀନ ନିବାସରେ ପହଂଚିବେ । ନବୀନଙ୍କ ସହ ଫାଇଭ-ଟି ଅଧ୍ୟକ୍ଷ ଭିକେ ପାଣ୍ଡିଆନ ଗସ୍ତ କରିବେ ବୋଲି ମୁଖ୍ୟମନ୍ତ୍ରୀଙ୍କ କାର୍ୟ୍ୟାଳୟରୁ ଜାରି କାର୍ୟ୍ୟସୂଚୀରୁ ଜଣାପଡ଼ିଛି ।
Powered by Froala Editor
