ଭୟଙ୍କର ସଡକ ଦୁର୍ଘଟଣା, ୬ ଛାତ୍ରଛାତ୍ରୀ ମୃତ
ଚଣ୍ଡୀଗଡ : ହରିୟାଣାର ମହେନ୍ଦ୍ରଗଡ ଜିଲ୍ଲାର କାନିନା ଦାଦ୍ରି ରାସ୍ତାରେ ଭୟଙ୍କର ସଡକ ଦୁର୍ଘଟଣା ଘଟି ୬ଜଣ ଛାତ୍ରଛାତ୍ରୀ ମୃତ୍ୟୁବରଣ କରିଛନ୍ତି । ସ୍କୁଲ ବସଟି ଭାରସାମ୍ୟ ହରାଇ ଓଲଟି ପଡିବାରୁ ଏପରି ଦୁର୍ଘଟଣା ଘଟିଛି । ଏଥିରେ ୧୨ରୁ ଅଧିକ ପିଲା ଆହତ ହୋଇଛନ୍ତି । ସେମାନଙ୍କୁ ତୁରନ୍ତ ମେଡିକାଲରେ ଭର୍ତ୍ତି କରାଯାଇଛି । ବସଟି ଘରୋଇ ବିଦ୍ୟାଳୟ ଜିଏଲ ପବ୍ଲିକ୍ ସ୍କୁଲର ଥିଲା । ଯେଉଁଥିରେ ପ୍ରାୟ ୩୫ରୁ ୪୦ପିଲା ଯାତ୍ରା କରୁଥିଲେ । ତେବେ ଦୁର୍ଘଟଣା ପରେ ଅନେକ
ପ୍ରଶ୍ନବାଚୀ ସୃଷ୍ଟି ହୋଇଛି । ଇଦ୍ ସରକାରୀ ଛୁଟି ଥାଇ ବି କେମିତି ଖୋଲାଥିଲା ବିଦ୍ୟାଳୟ । କର୍ତ୍ତୃପକ୍ଷ କେମିତି ପିଲାମାନଙ୍କୁ ନେବା ପାଇଁ ପଠାଇଥିଲେ ବସ୍ । ପୁଲିସ ପହଞ୍ଚି ଘଟଣାର ତଦନ୍ତ କରିବା ପରେ ସ୍କୁଲର ଅଧ୍ୟକ୍ଷ ସମେତ ୩ଜଣଙ୍କୁ ଗିରଫ କରିଥିବା ଜଣାପଡିଛି ।
Powered by Froala Editor
