ଏସି ଜଳିଯିବାରୁ ପରିବାରର ୩ ଜଣଙ୍କ ମୃତ୍ୟୁ ଘଟିଛି । ଏଭଳି ଦୁଃଖଦ ଘଟଣା ଘଟିଛି ଗୁଜୁରାଟର ଦ୍ୱାରକା ଜିଲ୍ଲାରୁ । ପବନ ଉପାଧ୍ୟାୟ ତାଙ୍କ ସ୍ତ୍ରୀ ତିଥି ଝିଅ ଧ୍ୟାନା ମା' ଭବାନି‌ବେନଙ୍କ ସହିତ ଦ୍ବାରକା ଜିଲ୍ଲାର ଆଦିତ୍ୟ ରୋଡସ୍ଥିତ ଥିବା କଲୋନିରେ ବସବାସ କରୁଥିଲେ।

ଶନିବାର ରାତିରେ ସମସ୍ତେ ଖାଇପିଇ ଶୋଇବାକୁ ଯାଇଥିଲେ। ଏହି ସମୟରେ ଏସିରେ ସର୍ଟସର୍କିଟ ହେତୁ ନିଆଁ ଲାଗି ଘରର ବିଦ୍ୟୁତ ଚାଲି ଯାଇଥିଲା। ଯେଉଁ କାରଣରୁ ଘର ଅନ୍ଧାର ହୋଇଯାଇଥିଲା। ପରିବାର ସଦସ୍ୟ ବାହାରିବାକୁ ବାଟ ପାଇ ନଥିଲେ। ଏତିକି ସମୟ ମଧ୍ୟରେ ଘରେ ଧୁଆଁ ଭରି ଯାଇଥିଲା। ପରିବାର ସଦସ୍ୟ ଅଣନିଶ୍ବାସୀ ହୋଇପଡ଼ିବାରୁ ପବନ ଉପାଧ୍ୟାୟଙ୍କ ସମେତ ତାଙ୍କ ସ୍ତ୍ରୀ, ପିଲା ଓ ମା' ଅଚେତ ହୋଇପଡ଼ିଥିଲେ।  ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ଘରେ ଅଚେତ ଅବସ୍ଥାରେ ପଡ଼ିଥିବା ପବନ ଉପାଧ୍ୟାୟ ତାଙ୍କ ସ୍ତ୍ରୀ ଛୁଆ ଓ ମା'ଙ୍କୁ ଉଦ୍ଧାର କରି ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଥିଲେ। ହେଲେ ଡାକ୍ତର ବାପା, ମା' ଓ ଛୁଆକୁ ମୃତଘୋଷଣା କରିଥିଲେ। ଭବାନି‌ବେନ ଜଳ ଘରେ ଶୋଇଥିବାରୁ ତାଙ୍କ ଅବସ୍ଥା ସେତେଟା ଗୁରୁତର ହୋଇନଥିଲା । କିନ୍ତୁ ଗୋଟିଏ ରାତିରେ ପୂରା ପରିବାରକୁ ହରାଇ ଭାଙ୍ଗି ପଡିଛନ୍ତି ବୃଦ୍ଧା । ତାଙ୍କର ଅନ୍ୟ ସାହାରା ନଥିବାରୁ ବେସାହାରା ହୋଇପଡିଛନ୍ତି । 

Powered by Froala Editor