ଆଦିତ୍ୟ ଏଲ୍-୧କୁ ମିଳିଲା ଏହି ସଫଳତା, ଜାଣନ୍ତୁ କ’ଣ
ନୂଆଦିଲ୍ଲୀ: ଭାରତର ସୂର୍ୟ୍ୟ ଅଭିଯାନ ‘ଆଦିତ୍ୟ ଏଲ୍-୧’କୁ ବଡ଼ ସଫଳତା ମିଳିଛି। ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ (ଇସ୍ରୋ) ର ଏହି ଯାନରେ ଲାଗିଥିବା ଇନ୍-ସିଟୁ ପେଲୋଡ଼ ପ୍ଲାଜମା ଆନାଲାଇଜର ପ୍ୟାକେଜ ଫର ଆଦିତ୍ୟ (ପାପା)ସୂର୍ୟ୍ୟଙ୍କ ବାହ୍ୟ କ୍ଷେତ୍ର କୋରୋନାରୁ ପ୍ଲାଜମା ବାହାରୁଥିବା ଘଟଣାକୁ ରେକର୍ଡ କରିଛି। ଏହି ଘଟଣାକୁ କୋରୋନଲ ମାସ ଇଜେକ୍ସନ (ସିଏମଇ) କୁହାଯାଇଥାଏ। ଏହା ସୂର୍ୟ୍ୟଙ୍କ କାର୍ୟ୍ୟକଳାପର ଅଧ୍ୟୟନରେ ଗୁରୁତ୍ବପୂର୍ଣ୍ଣ ସାବ୍ୟସ୍ତ ହେବ। ସିଏମଇ ସମୟରେ ସୌର ପବନରେ ଇଲକେଟ୍ରୋନ ଏବଂ ଆୟନର ସଂଖ୍ୟା ଅଧିକ ବୃଦ୍ଧି ପାଇଥିବା ପାପାର ସେନ୍ସର ରେକର୍ଡ କରିଛି। ଏହି ପେଲୋଡକୁ ବିକ୍ରମ ସାରାଭାଇ ସ୍ପେସ୍ ସେଣ୍ଟରର ସ୍ପେସ ଫିଜିକ୍ସ ଲାବରୋଟୋରୀ ଆଣ୍ଡ ଏଭିୟୋନିକ୍ସ ଏନଟିଟି ପ୍ରସ୍ତୁତ କରିଛି।
ଇସ୍ରୋ ପକ୍ଷରୁ କୁହାଯାଇଛି ଯେ ଏହା ପୂର୍ବରୁ ୨୦୨୩ ଡିସେମ୍ବର ୧୫ ଏବଂ ୨୦୨୪ ଫେବୃଆରୀ ୧୦-୧୧ରେ ସୂର୍ୟ୍ୟ ପୃଷ୍ଠରେ ସିଏମଇ ଘଟଣା ଘଟିଥିଲା। ପାପା ପେଲୋଡକୁ ସୌର ପବନରେ ଥିବା ଇଲେକଟ୍ରୋନ ଏବଂ ଆୟନର ସମୀକ୍ଷା ପାଇଁ ପ୍ରସ୍ତୁତ କରାଯାଇଛି। ଏଥିରେ ୨ଟି ସେନ୍ସର ସୋଲାର ୱିଣ୍ଡ ଇଲେକଟ୍ରୋନ ଏନର୍ଜି ପ୍ରୋବ (ସ୍ବିପ) ଏବଂ ସୋଲାର ୱିଣ୍ଡ ଆୟନ କମ୍ପୋଜିସନ ଆନାଲାଇଜର (ସ୍ବୀକାର) ଲାଗିଛି। ସ୍ବିପ୍ ୧୦ ଇଲେକଟ୍ରୋନଭୋଲ୍ଟରୁ ନେଇ ୩ କିଲୋ ଇଲେକଟ୍ରୋନଭୋଲ୍ଟ ପର୍ୟ୍ୟନ୍ତ ଇଲେକଟ୍ରୋନ ଗଣନା କରିପାରିବ।
Powered by Froala Editor
