ଦୌତାରୀ, ବାପି ପଣ୍ଡାଙ୍କ ସମେତ ବିଜେଡିରେ ମିଶିଲେ ୨୯ ଯାତ୍ରା କଳାକାର
![ଦୌତାରୀ, ବାପି ପଣ୍ଡାଙ୍କ ସମେତ ବିଜେଡିରେ ମିଶିଲେ ୨୯ ଯାତ୍ରା କଳାକାର](https://odishanewslens.com/news_gallery/27703_1706550655.jpg)
ସୋମବାର ବିଜେଡିରେ ମିଶିଛନ୍ତି ଯାତ୍ରା କଳାକାର । ଯାତ୍ରା କଳାକାର ଦୈତାରୀ ପଣ୍ଡା, ବାପି ପଣ୍ଡା, ଚୈତନ୍ୟ ପାଇକ, ରମେଶ ନାୟକ, ସୁବାସ ବେହେରା, ଶିବରାମ ପଣ୍ଡାଙ୍କ ସମେତ ୨୯ଜଣ କଳାକାର ବିଜେଡିରେ ଯୋଗଦେଇଛନ୍ତି । ସେହିଭଳି ସାରା ଓଡିଶାରୁ ୩ଶହ କଳାକାର ବିଜେଡିରେ ସାମିଲ ହୋଇଛନ୍ତି । ବିଜେଡି ସାଂସ୍କୃତିକ ସମନ୍ୱୟ ସାମ୍ମୁଖ୍ୟରେ ସାମିଲ ହୋଇଛନ୍ତି ଏହି କଳାକାର ।
ବିଜେଡିରେ ଯୋଗ ଦେବାକୁ ଏମାନେ କିଛି ଦିନ ତଳେ ଆବେଦନ କରିଥିଲେ । ଦଳର ସୁପ୍ରିମୋ ମୁଖ୍ୟମନ୍ତ୍ରୀ ଏହାକୁ ଅନୁମୋଦନ କରିବା ପରେ ଦଳରେ ବିଧିବଦ୍ଧ ଯୋଗ ଦେଇଛନ୍ତି । ଦଳର ବରିଷ୍ଠ ନେତା ବିଧାୟକ ଦେବୀ ମିଶ୍ର, ସାଂସଦ ମାନସ ମଙ୍ଗରାଜ ଓ ଅମର ପଟ୍ଟନାୟକ ଏମାନଙ୍କୁ ଦଳରେ ସାମିଲ କରିଛନ୍ତି।
ବିଜେଡିରେ ସାମିଲ ହେବା ପରେ କଳାକାରମାନେ କହିଛନ୍ତି, ନବୀନଙ୍କ ନେୃତୃତ୍ୱ ପ୍ରତି ଆକୃଷ୍ଟ ହୋଇ ସେମାନେ ବିଜେଡିରେ ସାମିଲ ହୋଇଛନ୍ତି । ଜଗନ୍ନାଥ ପ୍ରକଳ୍ପ, ସମଲେଇ ପ୍ରକଳ୍ପ ଦ୍ୱାରା ରାଜ୍ୟରେ ଭକ୍ତିମୟ ପରିବେଶ ସୃଷ୍ଟି ହୋଇଛି । ଦଳ ଆହୁରି ସୁଦୃଢ ହେବ ଓ ଏଥିସହ କଳା ଓ ସଂସ୍କୃତି ଆଗକୁ ଯିବ ବୋଲି କହିଛନ୍ତି କଳାକାର ।
Powered by Froala Editor