୭୩ ବର୍ଷ ବୟସରେ ପାଦ ଥାପିଛନ୍ତି ସାଉଥ୍ ସୁପରଷ୍ଟାର ରଜନୀକାନ୍ତ। ଡିସେମ୍ବର ୧୨ ତାରିଖରେ ରଜନୀକାନ୍ତଙ୍କ ଜନ୍ମଦିନ । ଯାହାକୁ ଏକ ଫେଷ୍ଟିଭାଲ ରୂପରେ ଦକ୍ଷିଣ ଭାରତରେ ସେଲିବ୍ରେଟ୍‌ କରାଯାଉଛି । ତାଙ୍କର ନିଷ୍ଠା ଓ କର୍ତ୍ତବ୍ୟପରାୟଣ ଭାବ ଓ ଅଭିନୟ କ୍ଷେତ୍ରରେ ତାଙ୍କ ଅବଦାନ ପାଇଁ ୨୦୨୧ ମସିହାରେ ତାଙ୍କୁ ସମ୍ମାନଜନକ ଦାଦା ସାହେବ ଫାଲ୍‌କେ ପୁରସ୍କାର ମିଳିଥିଲା।

ରଜନୀ ଚଳଚ୍ଚିତ୍ରଠାରୁ ଆରମ୍ଭ କରି ରାଜନୀତି ପର୍ଯ୍ୟନ୍ତ ସମ୍ପୂର୍ଣ୍ଣ ସକ୍ରିୟ ଅଛନ୍ତି। ସୁପରଷ୍ଟାର ରଜନୀକାନ୍ତଙ୍କ ଚଳଚ୍ଚିତ୍ରରେ ପ୍ରବେଶ କରିବା ସେତେ ସହଜ ନଥିଲା। ସେ କିନ୍ତୁ ଆରମ୍ଭରୁ ହିରୋ ହେବାର ସ୍ୱପ୍ନ ଦେଖୁଥିଲେ। ଘରର ଗରିବୀ ତାଙ୍କୁ ପ୍ରଥମେ କୁଲି ଆଉ ପରେ କଣ୍ଡକ୍ଟର କରିଥିଲା। କିନ୍ତୁ ସ୍ୱପ୍ନକୁ ପୂରଣ କରିବାର ନିଶା ତାଙ୍କୁ ସିନେମା ଆଡକୁ ଟାଣି ନେଇଥିଲା। ୧୯୭୫ରେ ଫିଲ୍ମ 'ଅପୂର୍ବା ରାଗନଗାଲ୍' ସହ ରଜନୀକାନ୍ତ ଡେବ୍ୟୁ କରିଥିଲେ। ଏହା ପରେ ସେ ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଦେଇଛନ୍ତି। 

ରଜନୀକାନ୍ତଙ୍କ ସଂଘର୍ଷପୂର୍ଣ୍ଣ ଯାତ୍ରା :

ରଜନୀକାନ୍ତ ମାଡ୍ରାସ୍ ଫିଲ୍ମ ଇନ୍‌ଷ୍ଟିଟ୍ୟୁଟ୍‌ରେ ଅଭିନୟକୁ ବିଷୟବସ୍ତୁ ଭାବେ ନେଇ ମଧ୍ୟ ପାଠ ପଢିଲେ। ତାଙ୍କ ଘର ଲୋକେ ରାଜି ନ ଥିଲେ ମଧ୍ୟ ତାଙ୍କ ସାଙ୍ଗ ରାଜ ବାହାଦୂର ହିଁ ପ୍ରେରଣା ଦେଇଥିଲେ। ଏପରିକି ସେ ତାଙ୍କୁ ଆର୍ଥିକ ସହଯୋଗ ମଧ୍ୟ କରିଥିଲେ। 

ଏହି ସମୟରେ ସେ ତାମିଲ୍ ଫିଲ୍ମ ନିର୍ଦ୍ଦେଶକ କେ. ବାଲାଚନ୍ଦରଙ୍କ ସଂସ୍ପର୍ଶରେ ଆସିଥିଲେ । ୧୯୭୫ରେ ରିଲିଜ୍ ହୋଇଥିବା 'ଅପୂର୍ବା ରାଗନଗାଲ୍'ରେ ରଜନୀକାନ୍ତଙ୍କୁ ପ୍ରଥମ ବ୍ରେକ୍ ମିଲିଥିଲା। ହିନ୍ଦୀ ସିନେମାରେ ରଜନୀକାନ୍ତଙ୍କ ଇନିଂସ୍‌ ଟି ରାମା ରାଓଙ୍କ ନିର୍ଦ୍ଦେଶିତ ୧୯୮୩ର ଚଳଚ୍ଚିତ୍ର 'ଅନ୍ଧା କାନୁନ୍‌'ରୁ ଆରମ୍ଭ ହୋଇଥିଲା। ଏହି ଚଳଚ୍ଚିତ୍ରରେ ରଜନୀକାନ୍ତଙ୍କ ସହ ହେମା ମାଳିନୀ ମୁଖ୍ୟ ଭୂମିକାରେ ଥିଲେ। ଦୁହେଁ ଭାଇ-ଭଉଣୀ ଭୂମିକାରେ ଥିଲେ। ଏଥିରେ ଅମିତାଭ ବଚ୍ଚନ ଏକ ବଡ ଭୂମିକା ଗ୍ରହଣ କରିଥିବାବେଳେ ଧର୍ମେନ୍ଦ୍ର ଏକ କୈମିଓ କରିଥିଲେ। ଏହା ପରେ ରଜନୀକାନ୍ତ ଅନେକ ହିନ୍ଦୀ ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ସେବେଠାରୁ ସେ ଆଉ ପଛକୁ ଚାହିଁ ନାହାନ୍ତି।

ମୋଟ ସମ୍ପତ୍ତି ମୂଲ୍ୟ ହେଉଛି ୪୩୦ କୋଟି :

ରଜନୀକାନ୍ତଙ୍କ ମୋଟ ସମ୍ପତ୍ତି ମୂଲ୍ୟ ହେଉଛି ୪୩୦ କୋଟି ଟଙ୍କା। ଚେନ୍ନାଇରେ ଅବସ୍ଥିତ ରଜନୀକାନ୍ତଙ୍କ ବିଳାସପୂର୍ଣ୍ଣ ବଙ୍ଗଳାର ମୂଲ୍ୟ ପ୍ରାୟ ୩୫ କୋଟି ଟଙ୍କା। ଫିଲ୍ମ ବ୍ୟତୀତ ଥାଲାଇବା ଷ୍ଟାର୍ ମଧ୍ୟ ଦାମୀ କାରକୁ ବେଶ୍ ଭଲ ପାଆନ୍ତି । ଏଥିମଧ୍ୟରେ ୬.୫ କୋଟି ଟଙ୍କା ମୂଲ୍ୟର ରୋଲ୍ସ ରୋଏସ୍ ଫାଣ୍ଟମ୍ ଏବଂ ୬ କୋଟି ଟଙ୍କା ମୂଲ୍ୟର ରୋଲ୍ସ ରୋଏସ୍ ଘୋଷ୍ଟ ଭଳି ଦାମୀ କାର ଅନ୍ତର୍ଭୁକ୍ତ। ଏହାବ୍ୟତୀତ ତାଙ୍କ ପାଖରେ ବିଏମ୍‌ଡବ୍ଲୁ ମଧ୍ୟ ରହିଛି। 

Powered by Froala Editor