ଯେଉଁଠି କେମିକାଲ ଯୁକ୍ତ ପ୍ରଡକ୍ଟର ଚାହିଦା ବଜାରରେ ଭରି ରହିଛି, ସେଠାରେ ଅନେକ ଲୋକ ଚେଷ୍ଟା କରିଥାନ୍ତି କି ଅଧିକରୁ ଅଧିକ ହର୍ବାଲ ଓ ନ୍ୟାଚୁରାଲ ଜିନିଷ ବ୍ୟବହାର କରିବାକୁ। ଘରୋଇ ରେସିପି ବା କୁହନ୍ତୁ ହର୍ବାଲ ଜିନିଷର ବ୍ୟବହାର ଗୋଟେ ସମୟରେ ଜେଜେ ମାଆ –ଆଈ ମାନେ କରୁଥିଲେ।

ଯଦି ସିମିତ ପରିମାଣରେ ଏବଂ ଠିକ୍‌ ସମୟରେ ଘରୋଇ ଜିନିଷର ବ୍ୟବହାର କରାଯାଏ ତ  ଅଯଥାରେ ଟଙ୍କା ଖର୍ଚ୍ଚ ବି କରିବାକୁ ପଡ଼ିବନି ଏବଂ କେଶର ବି ଉତ୍ତମ ରୂପେ ଯତ୍ନ ନେଇ ହେବ। ହର୍ବାଲ ସାମ୍ପୁ ତିଆରି କରିବାର ଉପାୟ ରହିଛି , ଯାହା କେଶରେ ଭଲ ପ୍ରଭାବ ପକାଇ ପାରେ। ଏହି ହର୍ବାଲ ସାମ୍ପୁରେ କେଶର ଭଲ ଭାବେ ପରିଷ୍କାର ହୋଇ ଥାଏ ଏବଂ କେଶକୁ ବଢ଼ିବା ସହ ଘନ ହେବାରେ ସାହାଯ୍ୟ ମିଳିଥାଏ। 

ଘରେ ସହଜରେ ପ୍ରସ୍ତୁତ ହୋଇ ପାରୁଥିବା ଏହି ହର୍ବାଲ ସାମ୍ପୁକୁ ତିଆରି କରିବା ପାଇଁ ଆପଣଙ୍କୁ କିଛି ରିଠା , କିଛି ଶୁଖିଲା ଅଁଳା , କିଛି ଶିକାକାଇ , ଅଧ କପ୍‌ ମନ୍ଦାର ଫୁଲ ପତ୍ରର ରସ , ଅଧ କପ୍‌ ତୁଳସୀ ପତ୍ରର ରସ ଓ ଅଧ କପ୍‌ ଏଲୋବେରା ରସ( ଘିକୁଆଁରୀ) ନିଅନ୍ତୁ ।

ସାମ୍ପୁ ତିଆରି କରିବା ପାଇଁ ସର୍ବ ପ୍ରଥମେ ଶିକାକାଇ ,ରିଠା ଓ ଅଁଳାକୁ ରାତି ସାରା ପାଣିରେ ଭିଜାଇ ରଖି ଦିଅନ୍ତୁ। ଯେବେ ଏହି ଭିଜି ଯିବ ତ ପାଣି କିଛି ମାତ୍ରାରେ ଅଠାଳିଆ ହୋଇଯିବ। ଏହି ପାଣିକୁ ଗରମ କରିବାକୁ ରଖନ୍ତୁ। ଗରମ କରିବା ପରେ ଯେବେ ଏହି ମିଶ୍ରଣ ଥଣ୍ଡା ହୋଇଯିବ ତ ରିଠାର ଚୋପା ଛଡ଼େଇ ଦିଅନ୍ତୁ ।

ଆଗାମୀ ଷ୍ଟେପ୍‌ରେ ଅନ୍ୟ ସବୁ ଜିନିଷକୁ ମଧ୍ୟ ଏହି ମିଶ୍ରଣରେ ମିଶାଇ ଦିଅନ୍ତୁ। ଏହାପରେ ସମସ୍ତଙ୍କୁ ଏକା ସାଥିରେ ବ୍ଲେଣ୍ଡରରେ ପକାଇ ପେସି ଦିଅନ୍ତୁ। ଏହାକୁ ଛାଣି ଓ ପୁଣି ବୋତଲରେ ରଖନ୍ତୁ । ବାସ୍‌ ହୋଇଗଲା ଆପଣଙ୍କ ହର୍ବାଲ ସାମ୍ପୁ । ଏହି ସାମ୍ପୁକୁ କେଶ ଧୋଇବା ପାଇଁ ସାଧାରଣ ସାମ୍ପୁ ପରି ବ୍ୟବହାର କରାଯାଇ ପାରେ । ଏହା କେଶର ଭଲ ଭାବେ ସଫା ବି କରି ଦେବ ଏବଂ କେଶକୁ ଉତ୍ତମ ଓ କୋମଳ କରିବାରେ ବି ସାହାଯ୍ୟ କରିବ । 

Powered by Froala Editor