ବିବାହ ବାର୍ଷିକୀରେ ପତ୍ନୀଙ୍କୁ ରାଇଫଲ ଗିଫ୍ଟ, ବିବାଦରେ ପୂର୍ବତନ ଟିଏମସି ନେତା
ତୃଣମୂଳ କଂଗ୍ରେସ (ଟିଏମସି)ର ପୂର୍ବତନ ନେତା ରିୟାଜୁଲ ହକ୍ ତାଙ୍କ ପତ୍ନୀଙ୍କୁ ପ୍ରଥମ ବିବାହ ବାର୍ଷିକୀରେ ଏକେ-୪୭ ରାଇଫଲ ଉପହାର ଦେଇ ଫସି ଯାଇଛନ୍ତି। ରିୟାଜୁଲ ସୋମବାର ସୋସିଆଲ ମିଡିଆରେ ତାଙ୍କ ପତ୍ନୀ ସବିନା ଜସ୍ମିନଙ୍କ ଏକେ-୪୭ ବନ୍ଧୁକ ଧରିଥିବାର ଫଟୋ ସେୟାର କରିବା ପରେ ବିବାଦ ସୃଷ୍ଟି ହୋଇଥିଲା। ସେ କେଉଁଠାରୁ ବନ୍ଧୁକ ଆଣିଲେ ଓ ତାଙ୍କର ଉଦ୍ଦେଶ୍ୟ କ'ଣ, ସେ ନେଇ ତଦନ୍ତ କରିବାକୁ ଦାବି କରିଛି ବିଜେପି। ଅନ୍ୟପକ୍ଷରେ ଚାରିଆଡୁ ସମାଲୋଚିତ ହେବା ପରେ ରିୟାଜୁଲ କହିଛନ୍ତି ଯେ ତାହା ଏକ ନକଲି ବନ୍ଧୁକ।
ରିୟାଜୁଲ ହକ୍ ଯୁକ୍ତି ବାଢ଼ିଛନ୍ତି ଯେ ସେ କିଛି ଭୁଲ୍ କରି ନାହାନ୍ତି। କାରଣ ତାଙ୍କ ପତ୍ନୀ ଯେଉଁ ବନ୍ଧୁକ ଧରିଥିଲେ, ତାହା ଅସଲି ନୁହେଁ। ତେଣୁ ତାଙ୍କ ନାଁରେ ଯେଉଁ ସବୁ କଥା ପ୍ରଚାର କରାଯାଉଛି, ତାହା ମିଛ।
କୁହାଯାଏ, ରିୟାଜୁଲ ରାମପୁରହାଟର ବିଧାୟକ ତଥା ପଶ୍ଚିମବଙ୍ଗର ଉପ ବାଚସ୍ପତି ଆଶିଷ ବାନାର୍ଜୀଙ୍କ ଖୁବ୍ ଘନିଷ୍ଠ। ଏକଦା ସେ ତୃଣମୂଳ କଂଗ୍ରେସର ସଂଖ୍ୟାଲଘୁ ସେଲ୍ର ରାମପୁରହାଟ-୧ ବ୍ଲକର ସଭାପତି ଥିଲେ। ତେବେ ଏଇ କିଛି ମାସ ତଳେ ସେ ତୃଣମୂଳ କଂଗ୍ରେସରୁ ଇସ୍ତଫା ଦେଇଥିଲେ।
Powered by Froala Editor
