ଇଟାଲୀରେ ବିଳାସପୂର୍ଣ୍ଣ ଭିଲ୍ଲାକୁ ୪୦ ଲକ୍ଷରେ ଭଡ଼ା ଲଗାଇଲେ ପ୍ରଭାସ
ଯେବେଠୁ ଆଦିପୁରୁଷ ରିଲିଜ ହୋଇଛି ବିବାଦ ପରେ ବିବାଦ ଦେଖା ଦେଇଛି । ରାମଙ୍କ ଭୂମିକାରେ ଅଛନ୍ତି ସାଉଥ ସୁପରଷ୍ଟାର ପ୍ରଭାସ । ତାସତ୍ତ୍ୱେ ବି ଫିଲ୍ମର ଡାଏଲଗ ଓ ଭିଏଫ୍ଏକ୍ସକୁ ନେଇ ଅନେକ ପ୍ରଶ୍ନ ଉଠିଛି । ଏତେ କଣ୍ଟ୍ରୋଭର୍ସି ଭିତରେ ଫିଲ୍ମର ଅଭିନେତା ମାନେ କୌଣସି ମତ ଦେବାକୁ ମନା କରିଦେଇଛନ୍ତି । ତେବେ ପ୍ରଭାସଙ୍କ ବିଷୟରେ ଆଉ କିଛି କଥା ଶୁଣିବାକୁ ମିଳିଛି ।
ପ୍ରଭାସ ତାଙ୍କ ଇଟାଲୀ ଘରକୁ ଭଡାରେ ଦେଇଛନ୍ତି। ଏହି ଖବର ଶୁଣି ଲୋକମାନେ ଆଶ୍ଚର୍ଯ୍ୟ ହୋଇଛନ୍ତି। ପ୍ରଭାସଙ୍କର ଇଟାଲୀରେ ଏକ ବିଳାସପୂର୍ଣ୍ଣ ଭିଲ୍ଲା ଅଛି, ଯାହାକୁ ସେ ଭଡାରେ ଲଗେଇଛନ୍ତି। ରିପୋର୍ଟରେ ଦର୍ଶାଯାଇଛି ଯେ 'ଆଦିପୁରୁଷ' ତାରକା ପ୍ରଭାସ ତାଙ୍କର ବିଳାସପୂର୍ଣ୍ଣ ଭିଲ୍ଲାକୁ ମାସିକ ୪୦ ଲକ୍ଷ ଟଙ୍କା ଭଡାରେ ଲଗେଇଛନ୍ତି।
ସୂଚନାଥାଉଯେ ପ୍ରଭାସ ଭାରତର ସର୍ବାଧିକ ପାରିଶ୍ରମିକ ପାଉଥିବା କଳାକାରମାନଙ୍କ ମଧ୍ୟରୁ ଅନ୍ୟତମ। ବାହୁବଲୀର ପ୍ରଥମ ଓ ଦ୍ୱିତୀୟ ଭାଗ ପରେ, ସାହୋ, ରାଧେ ଶ୍ୟାମ ଏବଂ ଆଦିପୁରୁଷ ସମେତ ପ୍ରଭାସଙ୍କ ତିନୋଟି ଚଳଚ୍ଚିତ୍ର ଆସିଛି। ସାହୋ ଏବଂ ରାଧେଶ୍ୟାମ ବକ୍ସ ଅଫିସ୍ରେ ଫ୍ଲପ୍ ହୋଇଥିବା ପ୍ରମାଣିତ ହୋଇଥିବାବେଳେ ବର୍ତ୍ତମାନ ଆଦିପୁରୁଷ ବିବାଦରେ ଛନ୍ଦି ହୋଇପଡିଛି।
Powered by Froala Editor
