୯ ମହିଳାଙ୍କୁ ଅପରେସନ ପାଇଁ ଆନାସ୍ଥେସିଆ ଦିଆଯାଇଥିଲା, ନିଦରୁ ଉଠିଲେନି ଡାକ୍ତର
୯ଜଣ ମହିଳାଙ୍କର ସର୍ଜରୀ କରିବା ପୂର୍ବରୁ ଶୋଇପଡ଼ିଲେ ଡାକ୍ତର। ଏହି ଘଟଣା ଘଟିଛି କର୍ଣ୍ଣାଟକର ଚିକ୍କମାଗାଲୁରୁରେ ଥିବା ଡାକ୍ତରଖାନାରେ।
ହସ୍ପିଟାଲରେ ପ୍ରାୟ ୯ ଜଣ ମହିଳା ରୋଗୀଙ୍କର ସ୍ଟେରିଲାଇଜେସନ୍ ସର୍ଜରୀ ହେବାର ଥିଲା । ଆଉ ସେହି ସମସ୍ତ ସର୍ଜରୀ ଡାକ୍ତର ବାଳକ୍ରୀଷ୍ଣ ହିଁ କରିବାର ଥିଲା । କିନ୍ତୁ ସେ OTରେ ଶୋଇପଡ଼ିବାରୁ ସେହି ଅପରେସନ୍ ହୋଇପାରିଲା ନାହିଁ । ସୂଚନା ମୁତାବକ, ରୋଗୀମାନଙ୍କୁ ସକାଳ ପ୍ରାୟ ୮ଟାରେ ଆନାସ୍ଥେସିଆ ଦିଆଯାଇଥିବାବେଳେ ଅସ୍ତ୍ରୋପଚାର ଅପରାହ୍ନ ୨ଟାରେ ଧାର୍ଯ୍ୟ କରାଯାଇଥିଲା। ସର୍ଜରୀ ଦିନ ବାଳକ୍ରୀଷ୍ଣ ଅସ୍ତ୍ରୋପଚାର ଥିଏଟର ଭିତରେ ସକାଳୁ ଶୋଇଥିବା ଦେଖିବାକୁ ମିଳିଥିଲା। ସର୍ଜରୀ ସମୟ ହେବା ପରେ ତାଙ୍କୁ ଡକାଯିବାରୁ ସେ ଉଠିଥିଲେ ବି ପରେ ଅଚେତ ହୋଇଯାଇଥିଲେ।
ବଡ଼ କଥା ହେଲା, ଏଭଳି ଘଟଣା ଏହି ଡାକ୍ତରଙ୍କ କ୍ଷେତ୍ରରେ ପ୍ରଥମ ନୁହେଁ । ସେ ବାରମ୍ବାର ଏଭଳି ଆଚରଣ ଦେଖାଇଥିବା ଜଣାପଡ଼ିଛି । ରୋଗୀଙ୍କ ପରିବାର ଲୋକଙ୍କ ଅଭିଯୋଗ ପରେ ଏବେ ସ୍ଥାନୀୟ ଅଞ୍ଚଳରେ ଏହାକୁ ନେଇ ଆଲୋଡ଼ନ ସୃଷ୍ଟି ହୋଇଛି । ରୋଗୀଙ୍କ ପରିବାର ଲୋକ ଡାକ୍ତରଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
Powered by Froala Editor
