ଫୋନ ପାଇଁ ଡ୍ୟାମରୁ ପାଣି ବାହାର କରିବାକୁ ଅନୁମତି ଦେଇଥିଲେ, ବାବୁଙ୍କୁ ଦରମାରୁ କଟାଯିବ ୫୩ ହଜାର ଫାଇନ୍
ନିଜର ଫୋନ ପାଇଁ ଗୋଟିଏ ଡ୍ୟାମ୍ରୁ ୪୨ ଲକ୍ଷ ଲିଟର ପାଣିକୁ କାଢ଼ି ନିଲମ୍ବିତ ହୋଇଥିଲେ ଫୁଡ ଇନସପେକ୍ଟର। ନିଲମ୍ବନ ହୋଇଥିବା ଫୁଡ ଇନସପେକ୍ଟରଙ୍କ ନାମ ରାଜେଶ ବିଶ୍ବାସ। ତେବେ ଫୁଡ ଇନସପେକ୍ଟରଙ୍କୁ ଡ୍ୟାମରୁ ଫୋନ ପାଇଁ ପାଣି ଖାଲି କରିବାକୁ ଅନୁମତି ଦେଇଥିବା ବାବୁଙ୍କ ବିରୋଧରେ ସରକାର କାର୍ଯ୍ୟାନୁଷ୍ଠାନ ନେଇଛନ୍ତି। ବଡ଼ ଅଫିସରଙ୍କ ଉପରେ ସରକାର ୫୩ ହଜାର ଟଙ୍କାର ଜୋରିମାନା ଲାଗୁ କରିଛନ୍ତି।
ଇନ୍ଦିରାବତୀ ପ୍ରୋଜେକ୍ଟର ସୁପରିନଟେଡେଣ୍ଟ ଇଞ୍ଜିନିୟର ମେ’ ୨୬ରେ ସବ ଡିଭିଜନାଲ ଅଫିସର ଆରକେ ଧିବାରଙ୍କୁ ଚିଠି ଲେଖି ନଷ୍ଟ ହୋଇଥିବା ପାଣି ବାବଦ ଅର୍ଥ ତାଙ୍କୁ ଦରମାରୁ କଟା ଯିବ ବୋଲି କହିଛନ୍ତି।
ତେବେ ଏହି ଖବର ପ୍ରଘଟ ହେବା ପରେ ରାଜେଶ ବିଶ୍ବାସ ପ୍ରତିକ୍ରିୟା ଦେଇ କହିଥିଲେ କି, ‘ମୋ ପାଖରେ ଆଇଫୋନ ନୁହେଁ, ସାମସଙ୍ଗ ଏସ୨୩ ଅଛି। ଯାହାର ମୂଲ୍ୟ ୯୩ହଜାର ଟଙ୍କା ପାଖାପାଖି ହେବ। ପ୍ରତ୍ୟେକଙ୍କ ପାଇଁ ମୋବାଇଲ ଜରୁରୀ ହୋଇଗଲାଣି। ଅନେକ ଲୋକ ମୋବାଇଲରେ ଜରୁରୀ ଦସ୍ତାବସି ବି ରଖିଥାଆନ୍ତି। ଯାହାକି ମୋ ଫୋନରେ ବି ଥିଲା। ମୁଁ ଦାମିକା ଫୋନ ପାଇଁ ନୁହେଁ ଫୋନରେ ଥିବା ଜରୁରୀ ଦସ୍ତାବିଜ ପାଇଁ ଏହି ପଦକ୍ଷେପ ନେଇଥିଲି।
ଫୋନଟି ଡ୍ୟାମ ଷ୍ଟିଲିଂ ବେସିନରେ ପଡ଼ିଥିବା ବେଳେ ଏଠାରେ ୧୫ ଫୁଟର ପାଣି ରହିଥିଲା। ପ୍ରଥମେ ସ୍ଥାନୀୟ ବୁଡ଼ାଳିମାନେ ଏହାକୁ ଠାବ କରିବାକୁ ଉଦ୍ୟମ କରିଥିଲେ। କିନ୍ତୁ ସେମାନେ ଫେଲ ମାରିବାରୁ ୩୦ ଏଚ୍ପିର ଦୁଇଟି ପମ୍ପ ଲଗାଇ ଡ୍ୟାମ୍ରୁ ଫୋନ ପାଣି କଢ଼ାଯିବା ପ୍ରକ୍ରିୟା ଆରମ୍ଭ ହୋଇଥିଲା। ୩ ଦିନ ଧରି ମୋଟ ୪୨ ଲକ୍ଷ ଲିଟର ପାଣିକୁ ଡ୍ୟାମରୁ ନିଷ୍କାସିତ କରାଯାଇଥିଲା।
ଏଥିରେ ସରକାରୀ ଦସ୍ତାବିଜ ସବୁ ରହିଥିବାରୁ ସେ ପାଣିକୁ ଶୁଖାଇ ଏହାକୁ ଠାବ କରିବାକୁ ଚେଷ୍ଟା କରିଥିଲେ। ଏନେଇ ସେ ଏସ୍ଡିଓଙ୍କୁ ଫୋନ କରି ପାଣି କାଢ଼ିବା ପାଇଁ ଅନୁମତି ମାଗିଥିଲି। ସେ ମଧ୍ୟ ଫୋନରେ ଏନେଇ ଅନୁମତି ଦେଇଥିଲେ। ୩ରୁ ୪ ଫୁଟ ପାଣି ସ୍ଥାନୀୟ କେନାଲକୁ ଗଲେ କୌଣସି ଅସୁବିଧା ନାହିଁ ଓ ଏହା ଦ୍ୱାରା ଚାଷୀମାନେ ଅଧିକ ପାଣି ପାଇ ପାରିବେ ବୋଲି ଏସ୍ଡିଓ ତାଙ୍କୁ କହିଥିଲେ।
ତେବେ ଇନ୍ଦିରାବତୀ ପ୍ରୋଜେକ୍ଟର ସୁପରିନଟେଡେଣ୍ଟ ଇଞ୍ଜିନିୟର ସବ ଡିଭିଜନାଲ ଅଫିସର ଆରକେ ଧିବାରଙ୍କୁ ନଷ୍ଟ ହୋଇଥିବା ପାଣି ବାବଦ ଅର୍ଥ ତାଙ୍କୁ ଦରମାରୁ କଟା ଯିବ ବୋଲି କହିଛନ୍ତି। ଏହି ପାଣିରେ ୧୫ଶହ ଏକର ଜମିରେ ଜଳ ସେଚନ ହୋଇପାରି ଥାଆନ୍ତା। ହେଲେ ସରକାରୀ ବାବୁ ଜଣଙ୍କ ନିଜର ଫୋନ ପାଇଁ ଏତେ ପରିମାଣର ପାଣିକୁ ନଷ୍ଟ କରି ଦେଇଥିଲେ।
Powered by Froala Editor
