କିଛି ଦିନ ତ‌ଳେ ସୁପରଷ୍ଟାର ସାମନ୍ଥା ରୁଥ ପ୍ରଭୁଙ୍କ ଅଭିନୀତ ଫିଲ୍ମ 'ଶକୁନ୍ତଲମ୍' ରିଲିଜ୍ ହୋଇଥିବା ବେ‌ଳେ ବକ୍ସ ଅଫିସରେ ଭଲ ବ୍ୟବସାୟ କରିପାରିନଥିଲା। ଏହା ପୂର୍ବରୁ 'ୟଶୋଦା' ରିଲିଜ୍ ହୋଇଥିବା ବେଳେ ତାହା ମଧ୍ୟ ଫ୍ଲପ ହୋଇଥିଲା। ଲଗାତାର ଫିଲ୍ମ ଫ୍ଲପ ହେଉଥିବାରୁ ଚିଟ୍ଟି ବାବୁ କହିଛନ୍ତି ସାମନ୍ଥାଙ୍କ କ୍ୟାରିୟର ଶେଷ ହୋଇସାରିଛି। ଭଲ ଫିଲ୍ମ ମିଳୁନି ବୋଲି ଯାହା ମିଳୁଛି ତାହା କରିବାକୁ ବାଧ୍ୟ ହେଉଛନ୍ତି ସାମନ୍ଥା। 

ସେ କହିଛନ୍ତି, 'ସାମନ୍ଥା ତାଙ୍କ ଛାଡପତ୍ର ପରେ 'ପୁଷ୍ପା: ଦି ରାଇଜ'ରେ 'ଓ ଆଣ୍ଟାଭା' ଆଇଟମ୍ ଗୀତ କରିଥିଲେ। ସେ ଟଙ୍କା ପାଇଁ ଏହା କରିଥିଲେ। ଷ୍ଟାର ହିରୋଇନ୍ ମାନ୍ୟତା ହରାଇବା ପରେ ସେ ଯାହା କିଛି ଅଫର୍ ହେଉଛି ତାହା କରୁଛନ୍ତି। ହିରୋଇନ୍ ଭାବରେ ତାଙ୍କର କ୍ୟାରିଅର୍ ସମାପ୍ତ ହୋଇଛି। ଜୀବନ ବଞ୍ଚିବା ପାଇଁ ଏବେ ତାଙ୍କୁ ଯାହା ବି ଅଫର ମିଳୁଛି ତାକୁ ଗ୍ରହଣ କରିବା ଉଚିତ୍ ବୋଲି ସେ କହିଛନ୍ତି।

ସେ ଆହୁରି କହିଛନ୍ତି ଯେ, 'ଫିଲ୍ମ 'ୟଶୋଦା'ର ପ୍ରମ‌ୋସନ ସମୟରେ ଫିଲ୍ମକୁ ହିଟ୍ କରିବା ପାଇଁ ସେ କାନ୍ଦିଥିଲେ। 'ଶକୁନ୍ତଲମ୍' ପ୍ରଚାର ସମୟରେ ସେ ସହାନୁଭୂତି ପାଇବାକୁ ଚେଷ୍ଟା କରୁଥିଲେ। ତେବେ ଏ ବାବଦରେ ସାମନ୍ଥାଙ୍କ କୌଣସି ମତ ମିଳିନାହିଁ । କିଛି ଦିନ ପୂର୍ବରୁ ଏକ ଖବର ଶୁଣିବାକୁ ମିଳୁଥିଲା ଯେ, ସେ ବିରଳ ଚର୍ମ ରୋଗରେ ପୀଡିତ ଅଛନ୍ତି । ଏଥିପାଇଁ ସେ ଟ୍ରିଟମେଣ୍ଟ କରୁଛନ୍ତି । ତେଣୁ ତାଙ୍କୁ ଫିଲ୍ମ ଅଫର ଆଉ ମିଳୁନାହିଁ । 

Powered by Froala Editor