କେଜ୍ରିୱାଲଙ୍କୁ ନେଇ ଏମିତି ବୟାନ ଦେଲେ ଆସାମ ମୁଖ୍ୟମନ୍ତ୍ରୀ
![କେଜ୍ରିୱାଲଙ୍କୁ ନେଇ ଏମିତି ବୟାନ ଦେଲେ ଆସାମ ମୁଖ୍ୟମନ୍ତ୍ରୀ](https://odishanewslens.com/news_gallery/20930_1681810584.jpg)
ନୂଆଦିଲ୍ଲୀ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଓ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମାଙ୍କ ମଧ୍ୟରେ କଥାକଟାକଟି ପ୍ରାୟତଃ ଲାଗି ରହିଥାଏ। ଉଭୟ ଉଭୟଙ୍କୁ କଟାକ୍ଷ କରି ସର୍ବଦା ଚର୍ଚ୍ଚାରେ ଥାଆନ୍ତି। ଏହାରି ମଧ୍ୟରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଅପମାନିତ କରିଲା ଭଳି ବୟାନ ଦେଇଛନ୍ତି ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା।
ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ଅମୃତପାଲ ଏବଂ ତାଙ୍କ ସହଯୋଗୀଙ୍କ ବିରୋଧରେ କାର୍ୟ୍ୟାନୁଷ୍ଠାନ ଗ୍ରହଣ କରିଥିବା ପଞ୍ଜାବର ମୁଖ୍ୟମନ୍ତ୍ରୀ ଭଗୱନ୍ତ ମାନଙ୍କୁ ପ୍ରଶଂସା କରିଛନ୍ତି। ତେବେ ଏହି ସମୟ ମଧ୍ୟରେ ହିମନ୍ତ ବିଶ୍ୱ ଶର୍ମା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଅପମାନିତ କରିବାର ସୁଯୋଗ ହାତଛଡ଼ା ନକରି ତାଙ୍କୁ ଏକ ମ୍ୟୁନିସିପାଲିଟି ସଂସ୍ଥାର ସିଏମ୍ ବୋଲି କହିଥିଲେ।
ଏକ ନ୍ୟୁଜ୍ ଚ୍ୟାନେଲ ସହ ବାର୍ତ୍ତାଳାପ ସମୟରେ ହିମନ୍ତ ବିଶ୍ୱ ଶର୍ମା କହିଛନ୍ତି, “ଖାଲିସ୍ତାନ ସମର୍ଥକଙ୍କ ବିରୋଧରେ ଠିକ୍ ସମୟରେ ପଦକ୍ଷେପ ନେଇଥିବାରୁ ମୁଁ ପଞ୍ଜାବର ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଉଛି। ଏହି ପ୍ରସଙ୍ଗରେ ମୋ ପାଇଁ କୌଣସି ରାନୈତିକ ପ୍ରସଙ୍ଗ ନାହିଁ।” ତେବେ ପଞ୍ଜାବ ପ୍ରସଙ୍ଗରେ କେଜ୍ରିୱାଲଙ୍କ ଭୂମିକା ବିଷୟରେ ତାଙ୍କୁ ପଚରାଯାଇଥିବା ବେଳେ ସେ କହିଥିଲେ ଯେ କେଜ୍ରିୱାଲ ଜୀ କେବଳ ଗୋଟିଏ ମ୍ୟୁନିସିପାଲିଟି ସଂସ୍ଥାର ମୁଖ୍ୟମନ୍ତ୍ରୀ, କିନ୍ତୁ ଭଗବନ୍ତ ମନ ଜୀ ଏକ ବଡ ରାଜ୍ୟର ସିଏମ, ସେ ଖାଲିସ୍ତାନ ବିରୋଧରେ ଭଲ ପଦକ୍ଷେପ ନେଇଛନ୍ତି।
Powered by Froala Editor