ଭୁବନେଶ୍ୱର : ସିବିଏଏସଇ ଦ୍ୱାଦଶ ଶ୍ରେଣୀ ପରୀକ୍ଷା ନେଇ କୌଣସି ଚୂଡ଼ାନ୍ତ ନିଷ୍ପତ୍ତି ହୋଇନାହିଁ । କିନ୍ତୁ ଆସନ୍ତା ଜୁଲାଇ ୧୫ ତାରିଖରୁ ଅଗଷ୍ଟ ୨୬ ତାରିଖ ପର୍ଯ୍ୟନ୍ତ ଦୁଇଟି ପର୍ଯ୍ୟାୟରେ ଦ୍ୱାଦଶ ଶ୍ରେଣୀ ପରୀକ୍ଷା କରିବାକୁ ସିବିଏସଇ କର୍ତ୍ତୃପକ୍ଷ ଆପାତତଃ ସ୍ଥିର କରିଥିବା ନେଇ ଗୋଟିଏ ଜାତୀୟ ସ୍ତରର ଗଣମାଧ୍ୟମରେ ଖବର ପ୍ରକାଶ ପାଇଛି । ତେବେ ଏ ନେଇ ଜୁନ ପହିଲାରେ ସବିଶେଷ ଜଣାପଡ଼ିବ ।

ପ୍ରକାଶ ଥାଉକି, ଚଳିତ ବର୍ଷ ମହାମାରୀ ଭିତରେ ସିବିଏସଇ ଦ୍ୱାଦଶ ଶ୍ରେଣୀ ଓ ବିଭିନ୍ନ ରାଜ୍ୟରେ ଥିବା ଯୁକ୍ତ ଦୁଇ ବୋର୍ଡÿ ପରୀକ୍ଷା କିପରି କରାଯିବ ସେ ନେଇ ଗତକାଲି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ଅଧ୍ୟକ୍ଷତାରେ ସବୁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ମୁଖ୍ୟମନ୍ତ୍ରୀ ଓ ଶିକ୍ଷାମନ୍ତ୍ରୀମାନଙ୍କ ସହ ଆଲୋଚନା ହୋଇଥିଲା । ପ୍ରକାଶିତ ଖବର ଅନୁଯାୟୀ ପରୀକ୍ଷା ସରିବାର ଗୋଟିଏ ମାସ ପରେ ଅର୍ଥାତ ୨୦୨୧ ସେପ୍େଟମ୍ବର ମାସରେ ଦ୍ୱାଦଶ ଶ୍ରେଣୀ ପରୀକ୍ଷା ଫଳ ପ୍ରକାଶ ପାଇବ । ପରୀକ୍ଷା ଢାଞ୍ଚା ନେଇ ରାଜ୍ୟ ସରକାରଙ୍କ ଠାରୁ ପ୍ରସ୍ତାବ ଆହ୍ୱାନ କରାଯାଇଛି । ତେବେ ପରୀକ୍ଷା ସମୟ ୩ ଘଣ୍ଟା ପରିବର୍ତ୍ତେ ୯୦ ମିନିଟ ଓ ସଂକ୍ଷିପ୍ତ ପ୍ରଶ୍ନ ଆଧାରିତ ହେବ । ଛାତ୍ରଛାତ୍ରୀ ନିଜ ସ୍କୁଲରେ ପରୀକ୍ଷା ଦେଇପାରିବେ । କୋଭିଡ ମହାମାରୀକୁ ଦୃଷ୍ଟିରେ ରଖି କିପରି ଶିକ୍ଷକ ଓ ଛାତ୍ରଛାତ୍ରୀ ସୁରକ୍ଷାରେ ପରୀକ୍ଷା ଦେବେ ଏ ନେଇ ଏକ ଏସଓପି ଜାରି କରିବା ଉପରେ କେନ୍ଦ୍ର ସରକାର ଗୁରୁତ୍ୱ ଦେଇଛନ୍ତି ।

Powered by Froala Editor