ଦୁବାଇ ଆପାର୍ଟମେଣ୍ଟରେ ଅଗ୍ନିକାଣ୍ଡ : ୧୬ ମୃତ, ମୃତକଙ୍କ ଭିତରେ ୪ ଭାରତୀୟ
ଶନିବାର ବିଳମ୍ବିତ ରାତିରେ ଦୁବାଇସ୍ଥିତ ଅଲ୍ ରାସ୍ ଅଞ୍ଚଳର ଏକ ଆପାର୍ଟମେଣ୍ଟରେ ଅଗ୍ନିକାଣ୍ଡ ଘଟି ୧୬ ଜଣଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ୪ ଜଣ ଭାରତୀୟ ଥିବା ସୂଚନା ମିଳିଛି।
ଦୁବାଇର ଅଲ୍ ରାସ୍ ଅଞ୍ଚଳରେ ଏକ ଅଟ୍ଟାଳିକାର ଚତୁର୍ଥ ତାଲାରେ ନିଆଁ ଲାଗିଥିଲା। ଏହାପରେ ଚାରିଆଡ଼େ ବ୍ୟାପିବାକୁ ଲାଗିଥିଲା। ଅଗ୍ନିକାଣ୍ଡର ସୂଚନା ପାଇ ଦୁବାଇ ସିଭିଲ୍ ଡିଫେନ୍ସ କର୍ମଚାରୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ। ଏଥିସହ ନିକଟସ୍ଥ ଆପାର୍ଟମେଣ୍ଟ୍ରୁ ଲୋକମାନଙ୍କୁ ସ୍ଥାନାନ୍ତର କରିଥିଲେ। ରାତି ପ୍ରାୟ ସାଢେ ୨ଟାରେ ନିଆଁକୁ ଆୟତ୍ତ କରାଯାଇଥିଲା। ଅଗ୍ନିକାଣ୍ଡରେ ୧୬ ଜଣଙ୍କ ମୃତ୍ୟୁ ଘଟିଛି। ଦୁବାଇରେ ରହୁଥିବା ଭାରତୀୟ ନସୀର ୱାତନପଲ୍ଲୀଙ୍କ କହିବାନୁଯାୟୀ, ମୃତକଙ୍କ ମଧ୍ୟରେ ୪ ଜଣ ଭାରତୀୟ ଅଛନ୍ତି। ସେମାନଙ୍କ ମଧ୍ୟରେ କେରଳର ଏକ ଦମ୍ପତିଙ୍କ ସମେତ ତାମିଲନାଡ଼ୁର ଦୁଇ ଜଣ ଅଛନ୍ତି। ଏହା ବ୍ୟତୀତ ଏହି ଅଗ୍ନିକାଣ୍ଡରେ ୯ ଜଣ ଆହତ ମଧ୍ୟ ହୋଇଛନ୍ତି।
Powered by Froala Editor
