ପଞ୍ଜାବ ଫେରି ଆତ୍ମସମର୍ପଣ କରିବାକୁ ଯୋଜନା କରୁଛି ପଳାତକ ଅମୃତପାଲ ସିଂହ। ତାଙ୍କୁ ଧରିବା ପାଇଁ ପୁଲିସ ତଲାସି ଜାରି ରଖିଛି। ଏଥିପାଇଁ ପୂରା ପଞ୍ଜାବରେ ହାଇଆଲର୍ଟ ଜାରି କରାଯାଇଛି। ଏଭଳି ପରିସ୍ଥିତିରେ ସେ ସରେଣ୍ଡର କରିପାରେ ବୋଲି କୁହାଯାଉଛି। 

‘ୱାରିସ୍ ପଞ୍ଜାବ ଦେ’ ସଂଗଠନର ମୁଖ୍ୟ ଅମୃତପାଲ୧୧ଦିନ ଧରି ଫେରାର ଥିବା ବେଳେ ପଞ୍ଜାବ ପୁଲିସ ତାକୁ ଗିରଫ କରିବାକୁ ଚେଷ୍ଟା ଚଳାଇଛି। ସେ ଯେଉଁଠାରେ ଲୁଚିବାକୁ ଚେଷ୍ଟା କରୁଛି ସେଠାରେ ପହଞ୍ଚୁଛି ପଞ୍ଜାବ ସମେତ ଦିଲ୍ଲୀ ଏବଂ ହରିୟାଣା ପୁଲିସ। ଏହି ୩ରାଜ୍ୟର ପୁଲିସ ପଛରେ ପଡ଼ିଥିବା ଦେଖି ଅମୃତପାଲ ଏବେ ଆତ୍ମସମର୍ପଣ ପାଇଁ ଯୋଜନା କରୁଥିବା ପୁଲିସ କହିଛି। ଏହାକୁ ଦେଖି ପଞ୍ଜାବ ପୁଲିସ ସତର୍କ ହୋଇପଡିଛି। ସ୍ୱର୍ଣ୍ଣ ମନ୍ଦିର ଚାରିପାଖରେ ସୁରକ୍ଷା କଡାକଡି କରାଯାଇଛି। ସେଠାରେ ଶହ ଶହ ପୁଲିସ ମୁତୟନ ହୋଇଛନ୍ତି।

ମଙ୍ଗଳବାର ହୋଶିଆରପୁରରେ ଅମୃତପାଲ ଲୁଚି ରହିଥିବା ସୂଚନା ପାଇଥିଲା ପୁଲିସ । ଅମୃତପାଲ ଥିବା ସନ୍ଦେହ କରି ଫାଗୱାଡାରେ ପୁଲିସ ଏକ ଅଜ୍ଞାତ ଗାଡିର ପିଛା କରିଥିଲା।  ପୁଲିସ ଗାଡି ଦେଖି ଏହି କାରରେ ବସିଥିବା ଲୋକମାନେ ମରଇୟାଁରେ ଥିବା ଗୁରୁଦ୍ୱାର ନିକଟରେ ଗାଡି ଛାଡି ଫେରାର ହୋଇଯାଇଥିଲେ। ଏହା ପରେ ମରଇୟାଁ ଗ୍ରାମ ତଥା ଆଖପାଖରେ ଭାରୀ ପୁଲିସ ଫୋର୍ସ ମୁତୟନ କରାଯାଇଥିଲା। 

Powered by Froala Editor