ବକ୍ସ ଅଫିସ୍ରେ ଧମାଲ୍ କରୁଛି ‘ତୁ ଝୁଠି ମେ ମକ୍କାର'
ମୁମ୍ବାଇ: ବଲିଉଡ୍ ଫିଲ୍ମ ‘ତୁ ଝୁଠି ମେ ମକ୍କାର’ ଏବେ ଧମାଲ୍ କରୁଛି । ବକ୍ସ ଅଫିସ୍ରେ ଏହା ଗୋଟିଏ ପରେ ଗୋଟେ ରେକର୍ଡ କରି ଚାଲିଛି । ରଣବୀର କପୁର ଓ ଶ୍ରଦ୍ଧା କପୁରଙ୍କ କମେଡି-ରୋମାଣ୍ଟିକ ଏହି ଫିଲ୍ମକୁ ଦର୍ଶକ ଢେର୍ ସାରା ଭଲ ପାଇବା ଦେଇ ଚାଲିଛନ୍ତି । ଉଭୟଙ୍କ ଅଭିନୟ ଯାଦୁ ହଲ୍ରେ ସମସ୍ତଙ୍କୁ ଶେଷ ପର୍ଯ୍ୟନ୍ତ ବାନ୍ଧି ରଖୁଛି ।
ଏହି ଫିଲ୍ମ ପ୍ରଥମ ସପ୍ତାହରେ ଭଲ କାରବାର କରିଥିଲା । ଦ୍ୱିତୀୟ ସପ୍ତାହରେ କିନ୍ତୁ ବ୍ୟବସାୟ ସାମାନ୍ୟ ଧିମା ହୋଇଯାଇଥିଲା । ହେଲେ ପୁଣି ଏହା ଖୁବ୍ କମାଇ କରିଛି । ରିପୋର୍ଟ ଅନୁଯାୟୀ ଏହି ଚଳଚ୍ଚିତ୍ର ଏବେ ୧୦୦ କୋଟି କ୍ଲବରେ ସାମିଲ ହୋଇଯାଇଛି ।
ରିପୋର୍ଟ ଅନୁଯାୟୀ, ଫିଲ୍ମ ଗତ ଶନିବାର ଦ୍ୱିତୀୟ ଶୁକ୍ରବାର ଅପେକ୍ଷା ଦୁଇଗୁଣା କାରବାର କରିଛି । ଶୁକ୍ରବାର ଏହି ଫିଲ୍ମ ୩.୫ କୋଟି କମାଇଥିଲା । ଶନିବାର ୬ କୋଟି ଟଙ୍କା ଆୟ କରିଛି । ଗତ ୩ଦିନ ମଧ୍ୟରେ ଶନିବାରର ବହୁତ ଭଲ ରହିଥିଲା । ଫିଲ୍ମଟି ଏବେ ପର୍ଯ୍ୟନ୍ତ ୧୦୨.୨୧ କୋଟି ଆୟ କରିଛି । ଆଗାମୀ ଦିନରେ ଏହା ଅଧିକ ରୋଜଗାର କରିବ ବୋଲି ପ୍ରଯୋଜକ ସଂସ୍ଥା ପକ୍ଷରୁ କୁହାଯାଇଛି ।
ଦୀର୍ଘ ଦିନ ପରେ ବଲିଉଡ୍ରେ ରୋମାଣ୍ଟିକ୍ ସିନେମା ରିଲିଜ୍ ହୋଇଛି । ଯାହାକୁ ନିଶ୍ଚିତ ଭାବେ ଦର୍ଶକ ଚାହିଁ ବସିଥିଲେ । ତେଣୁ ଏହା ପରଦାକୁ ଆସିବା ପରଠୁ ଭଲ କାରବାର କରୁଛି । ଲୋକେ ଉଭୟଙ୍କ ଯୋଡ଼ିକୁ ମଧ୍ୟ ବେଶ୍ ପସନ୍ଦ କରୁଛନ୍ତି । ପରଦା ଉପରେ ରଣବୀର ଓ ଶ୍ରଦ୍ଧା ଖୁବ୍ ସୁନ୍ଦର ଦେଖା ଯାଉଛନ୍ତି । ଉଭୟଙ୍କ କେମେଷ୍ଟ୍ରି ମ୍ୟାଚ୍ କରୁଛି ।
Powered by Froala Editor
