ଛୁଟି ପରେ ଆଜି ପୁଣି ଥରେ ଗୃହ କାର୍ୟ୍ୟ ଆରମ୍ଭ
ଭୁବନେଶ୍ୱର:ପ୍ରଶ୍ନକାଳ ବାତିଲ, ବାରମ୍ବାର ଗୃହ ମୁଲତବି। ବଜେ୍ଟ ଅଧିବେଶନ ଦ୍ବିତୀୟ ପର୍ୟ୍ୟାୟରେ ଏପରି ହଙ୍ଗାମା କରି ଗୃହକୁ ଅଚଳ କରିଛନ୍ତି ବିରୋଧୀ। ଦୁଇଦିନ ଛୁଟି ପରେ ଆଜି ପୁଣି ଥରେ ଗୃହ କାର୍ୟ୍ୟ ଆରମ୍ଭ ହେବାକୁ ଯାଉଛି। ଆଜି ମଧ୍ୟ ଗୃହରେ ସମାନ ସ୍ଥିତି ଦେଖିବାକୁ ମିଳିପାରେ।
ଗ୍ୟାସ ଦର ବୃଦ୍ଧି କରି ଗରିବ ଓ ମଧ୍ୟବିତ୍ତଙ୍କ ହାଣ୍ଡିଶାଳ ଉପରେ ପ୍ରହାର କରିଛନ୍ତି କେନ୍ଦ୍ର ସରକାର। ଏନେଇ ଶାସକ ଦଳ ବି ଗୃହରେ ସ୍ବର ଉଠାଇବ। ଅନ୍ୟପଟେ ଆଜିଠାରୁ ଆରମ୍ଭ ହେବ ବିଭାଗୀୟ ଖର୍ଚ୍ଚ ଦାବି ଆଲୋଚନା। ପ୍ରଥମ ଦିନରେ ଅନୁସୂଚିତ ଜାତି, ଜନଜାତି ଓ ସଂଖ୍ୟାଲଘୁ ବିଭାଗର ଖର୍ଚ୍ଚ ଦାବି ଆଲୋଚନା ହୋଇ ଗୃହୀତ ହେବ।
୨୯ ତାରିଖ ପର୍ୟ୍ୟନ୍ତ ଚାଲିବ ବିଭିନ୍ନ ବିଭାଗର ଖର୍ଚ୍ଚଦାବି ଆଲୋଚନା। ତେବେ ଗୃହ କାର୍ୟ୍ୟରେ ବିରୋଧୀ କେତେ ସହଯୋଗ କରୁଛନ୍ତି ତା ଉପରେ ରହିଛି ସମସ୍ତଙ୍କ ନଜର। ପ୍ରଶ୍ନକାଳରେ ଗୃହ, ଅର୍ଥ, ପୂର୍ତ୍ତ, ସ୍ବାସ୍ଥ୍ୟ, ଇସ୍ପାତ ଓ ଖଣି, ସଂସଦୀୟ ବ୍ୟାପାର ଓ ସାଧାରଣ ପ୍ରଶାସନ ବିଭାଗର ପ୍ରଶ୍ନୋତ୍ତର କାର୍ୟ୍ୟକ୍ରମ ରହିଛି।
Powered by Froala Editor
