ପେଟ୍ରୋଲ ସରିଗଲା ବୋଲି ରାଗରେ ବାଇକରୁ ଓହ୍ଲାଇଲେନି ସ୍ତ୍ରୀ, ଟାଣି ଟାଣି ନେଲେ ସ୍ୱାମୀ
ମୋତେ ଏମିତି ସ୍ତ୍ରୀ ମିଳୁ ଯିଏ ମୋ ସାଥୀରେ ଚାଲିବ । ସାଥୀ ହୋଇ ସୁଖ ଦୁଃଖରେ ରହିବ । ସବୁ ପୁଅଙ୍କ ଇଚ୍ଛା ପ୍ରାୟତଃ ଏମିତି ଥାଏ । ହେଲେ ଏହି ଭିଡିଓ ଦେଖିଲେ ସ୍ତ୍ରୀର ସଂଜ୍ଞା ବଦଳିଯିବ । ଭିଡିଓ ଯେତିକି ମଜାଦାର ସେତିକି ଦୁଃଖଦ ମଧ୍ୟ । ଭିଡିଓରେ ଦେଖିବାକୁ ମିଳୁଛି ଯେ, ଜଣେ ସ୍ୱାମୀ ସ୍ତ୍ରୀଙ୍କୁ ବାଇକରେ ନେଇ ଯାଉଛନ୍ତି । ଏଠି ପ୍ରଶ୍ନ ଉଠିବ ଯେ, ଏଥିରେ ଅଜବ କ’ଣ? ଅଜବ କଥା ହେଉଛି, ସ୍ୱାମୀ ଜଣକ ଚାଲି ଚାଲି ବାଇକ୍କୁ ଠେଲି ନେଉଛନ୍ତି ଆଉ ସ୍ତ୍ରୀ ମଜାରେ ବାଇକ୍ ଉପରେ ବସିଛି । ଉତ୍ତରପ୍ରଦେଶର କୋୖସୁମ୍ବିରୁ ଏହି ଭିଡିଓଟି ସାମ୍ନାକୁ ଆସିଛି ।
କୁହାଯାଉଛି ଯେ ସ୍ୱାମୀ-ସ୍ତ୍ରୀ ବାଇକରେ ଯାଉଥିଲେ । ତେବେ ଅଧାବାଟରେ ବାଇକରୁ ପେଟ୍ରୋଲ ସରିଯାଇଥିଲା। ଆଉ ଏହାକୁ ନେଇ ସ୍ତ୍ରୀ ରାଗିଯାଇଥିଲେ । ସେ ଜିଦ ଧରିଥିଲେ ଯେ ଯାହା ବି ହେଇଯାଉ ଗାଡ଼ିରୁ ଓହ୍ଲାଇବେ ନାହିଁ । ଏହାପରେ ସ୍ୱାମୀ ତାଙ୍କୁ ଅନୁରୋଧ କରିଥିଲେ ଯେ ଗାଡ଼ିରୁ ଓହ୍ଲାଇଲେ ଗଡେଇ ଗଡେଇ ନେବେ । ତଥାପି ସ୍ତ୍ରୀ ରାଜି ହୋଇନଥିଲେ ଓ କହିଥିଲେ ଯେ ଗାଡ଼ିରୁ ଓହ୍ଲାଇବେ ନାହିଁ ଆଉ ସେ ପଛେ ଭିଡି ଭିଡି ନିଅନ୍ତୁ । ଶେଷରେ ସ୍ୱାମୀ ଜଣକ ବାଇକକୁ ଟାଣି ଟାଣି ନେଇଥିଲେ ଓ ପତ୍ନୀ ସେଭଳି ବସିରହିଥିଲେ । ଏହାର ଭିଡିଓ ଭାଇରାଲ ହେବାରେ ଲାଗିଛି ।
Powered by Froala Editor
