ଦୀର୍ଘ ପ୍ରାୟ ୩ ବର୍ଷ ପରେ ପୁଣିଥରେ ବଡ ପରଦାକୁ ଫେରିଛନ୍ତି ବଲିଉଡର ଚକୋଲେଟ ବୟ ଇମରାନ ହାସମି । ଫିଲ୍ମ ‘ସେଲଫି’ ଜରିଆରେ ସେ ଦର୍ଶକଙ୍କୁ ମନୋରଞ୍ଜନ ଦେବାକୁ ଆସିଛନ୍ତି । ହେଲେ ଏହି ମୁଭିକୁ ଦର୍ଶକେ ଏତେଟା ପସନ୍ଦ କରି ନାହାନ୍ତି । ସବୁଠାରୁ ଆଶ୍ଚର୍ଯ୍ୟର କଥା ହେଉଛି ଅଭିନେତା ଇମରାନ ହାସମି ଗତ ୧୦ ବର୍ଷ ମଧ୍ୟରେ ଗୋଟିଏ ବି ହିଟ ଫିଲ୍ମ ଦେଇ ପାରି ନାହାନ୍ତି ।

ଇମରାନ ତାଙ୍କ କ୍ୟାରିୟରର ଆରମ୍ଭ କେବଳ ଚକୋଲେଟ ଲଭୟ ବୟ ଭାବରେ କରି ନ ଥିଲେ ବରଂ କିଛି ସୁପରହିଟ୍ ଫିଲ୍ମ ବି ଭେଟି ଦେଇଥିଲେ ଦର୍ଶକଙ୍କୁ । ଏମିତି ସମୟ ଥିଲା ଯେତେବେଳେ ଇମରାନ ବଲିଉଡର ଜଣେ କାମୟାବ ଅଭିନେତା ଭାବେ ପରିଚିତ ଥିଲେ । ହେଲ ଏମିତି ଏକ ସମୟ ଆସିଲା ଯେତେବେଳେ ଇମରାନଙ୍କ ଅଭିନୀତ ପ୍ରାୟ ସବୁ ଫିଲ୍ମ ଫ୍ଲପ ହେବାରେ ଲାଗିଲା ଆଉ ଏହି ଅଭିନେତା ସଫଳ ଅଭିନେତା ତାଲିକାରୁ ବାହାରି ଗଲେ ।

ଏବେ ପୁଣିଥରେ ଇମରାନ ‘ସେଲଫି’ ମାଧ୍ୟମରେ କମବ୍ୟାକ କଲେ ସତ ହେଲେ ଏଥର ବି ସେ ସଫଳ ହେବାଭଳି କୌଣସି ସୂଚନା ଦେଖାଯାଉ ନାହିଁ । ଅକ୍ଷୟ କୁମାର ଓ ଇମରାନ ହାସମିଙ୍କ ଅଭିନୀତ ମୁଭି ‘ସେଲଫି’କୁ ଆରମ୍ଭରୁ ସେମିତି କୌଣସି ଆଟେଂନଶନ ମିଳି ନାହିଁ । ପ୍ରଥମ ଦିନ ମୁଭି ୬ କୋଟିରୁ କମ ବ୍ୟବସାୟ କରିଛି । ଦୁଇ ପପୁଲାର ଷ୍ଟାର ଥାଇ ବି ମୁଭିକୁ ଖାସ୍ ବୁଷ୍ଟ ଦେଇପାରି ନାହାନ୍ତି ।

ଇମରାନଙ୍କ କ୍ୟାରିୟରକୁ ଦେଖିଲେ ଗତ ପ୍ରାୟ ୧୦ ବର୍ଷ ମଧ୍ୟରେ ଗୋଟିଏ ବି ହିଟ ମୁଭି ଦେଇ ନାହାନ୍ତି ଅଭିନେତା । ଫଳରେ ଏବେ ତାଙ୍କ କ୍ୟାରିୟର ସଙ୍କଟରେ । ୨୦୧୩ରୁ ଆଜି ପର୍ଯ୍ୟନ୍ତ ଏକ ଥି ଡାୟନ, ଧନଚକ୍କର, ନଟୱରଲାଲ, ମିଷ୍ଟର ଏକ୍ସ ଭଳି ପ୍ରାୟ ୧୧ଟି ମୁଭିରେ ଲିଡ ରୋଲରେ ନଜର ଆସିଥିଲେ । ହେଲେ ସମସ୍ତ ମୁଭି ବକ୍ସ ଅଫିସରେ ଫ୍ଲପ ହୋଇଛି।

ଇମରାନ ୨୦୦୩ରେ ଫିଲ୍ମ ‘ଫୁଟପାଥ‘ ଜରିଆରେ ବଲିଉଡରେ ତାଙ୍କର କ୍ୟାରିୟର ଆରମ୍ଭ କରିଥିଲେ । ଏହାପରେ ସେ ପ୍ରତିବର୍ଷ ପ୍ରାୟ ୨ଟି ଫିଲ୍ମ ଦର୍ଶକଙ୍କୁ ଭେଟି ଦେଉଥିଲେ । ହେଲେ ୨୦୧୮ପରେ ଅର୍ଥାତ୍ କରୋନା ସମୟରେ ୨୦୨୦ରେ ତାଙ୍କର ଗୋଟିଏ ବି ମୁଭି ଥିଏଟରରେ ଦେଖିବାକୁ ମିଳି ନ ଥିଲା । ଏବେ ତାଙ୍କର ସବୁ ଆଶା ସଲମାନଙ୍କ ମୁଭି ‘ଟାଇଗର ୩’ ସହ ଯୋଡି ହୋଇ ରହିଛି । ଏହା ଅଭିନେତାଙ୍କୁ ଏକ ନୂଆ ଲୁକରେ ଉପସ୍ଥାପନ କରିବ । ଏବେ ଦେଖିବାକୁ ରହିଲା ଯେ ଏହା ଇମରାନଙ୍କ କ୍ୟାରିୟରକୁ କେଉଁ ମୋଡ ଦେଉଛି ।

Powered by Froala Editor