ଭୁବନେଶ୍ୱର: ଏୟାରପୋର୍ଟ ଥାନା ଅଞ୍ଚଳରେ ଘଟିଛି ଏକ ଅଜବ ଘଟଣା । ଶଶୁରଙ୍କୁ ଘରେ ତାଲା ପକାଇ ୧୦ଲକ୍ଷ ଟଙ୍କାର ସୁନା ଅଳଙ୍କାର ସହ ଦେଢ଼ ଲକ୍ଷ ଟଙ୍କା ଲୁଟି ନେଇଛି ବୋହୂ । ଏନେଇ ଥାନାରେ ଅଭିଯୋଗ କରିଛନ୍ତି ମହିଳାଙ୍କ ସ୍ୱାମୀ ସନ୍ଦୀପ ନାୟକ । ପୁଲିସ ମାମଲା ରୁଜୁ କରି ଘଟଣାର ତଦନ୍ତ କରି ଜାଣିବାକୁ ପାଇଛି ସନ୍ଦୀପଙ୍କ ପତ୍ନୀ ତାଙ୍କ ପ୍ରେମିକ ସହ ଫେରାର ହୋଇଯାଇଛି । ସନ୍ଦୀପ ଗଙ୍ଗନଗର ପ୍ଲଟ୍ ନମ୍ବର-୩୦୫ରେ ଘର ଭଡ଼ା ନେଇ ରହୁଛନ୍ତି ।

ଚଳିତ ବର୍ଷ ଫେବ୍ରୁଆରୀରେ ସେ ନୟାଗଡ଼ ଦଶପଲ୍ଲା ଅଞ୍ଚଳର ନମିତା ନାୟକଙ୍କୁ ବିବାହ କରିଥିଲେ । କମ୍ ଦିନ ମଧ୍ୟରେ ନମିତା ସନ୍ଦୀପ ଓ ଶଶୁରଙ୍କୁ ନିଜର କରିଦେଇଥିଲେ । ହେଲେ ନମିତାଙ୍କ ପ୍ଲାନଥିଲା ଅଲଗା । ମଉକା ଦେଖି ଘରେ କଳାକନା ବୁଲାଇବାକୁ ଅପେକ୍ଷା କରିଥିଲେ । ମଙ୍ଗଳବାର ଅପରାହ୍ନରେ ସ୍ୱାମୀ ନଥିଲେ ଓ ଶଶୁର ଶୋଇଥିବା ସମୟରେ ତାଙ୍କୁ ତାଲା ପକାଇ ଘରେ ଥିବା ସମସ୍ତ ସୁନା ଗହଣା ଓ ଟଙ୍କା ନେଇ ଫେରାର ହୋଇଯାଇଥିଲେ ନମିତା । ଶଶୁରଙ୍କ ନିଦ ଭାଙ୍ଗିବା ପରେ କବାଟ ନ ଫିଟିବାକୁ ଝରକାରେ ପଡେ଼ାଶୀଙ୍କୁ ଡ଼ାକି ଘରର କବାଟ ଖୋଲିଥିଲେ । ଖବର ପାଇଁ ସନ୍ଦୀପ ସମସ୍ତ ତଥ୍ୟ ଅନୁସନ୍ଧାନ ପରେ ଥାନାର ଦ୍ୱାରସ୍ତ ହୋଇଥିଲେ । ସନ୍ଦିପ ନିଜ ଏତଲାରେ ସ୍ତ୍ରୀର ବାହାଘର ପୂର୍ବରୁ ଥିବା ପ୍ରେମ ସଂପର୍କ ବିଷୟରେ ଜଣାଇ ପ୍ରେମିକ ସହ ଫେରାର ହୋଇଥିବା ପୁଲିସକୁ ସୂଚନା ଦେଇଛନ୍ତି । 

Powered by Froala Editor