୧୩.୩ ଗ୍ରାମର ବାଉନସୁଗାର ଜବତ, ୪ ଗିରଫ
ଖୋର୍ଦ୍ଧା: ବାଘମାରୀ ପୋଲିସ ବିଶେଷ ସୂତ୍ରରୁ ଖବର ପାଇ ଅଟ୍ରି ନିକଟରେ ଥିବା ଖେଳ ପଡିଆରେ ବାଉନସୁଗାର ବେପାର ପାଇଁ ଡିଲ ହେଉଥିବା ବେଳେ ଚଢାଉ କରିଛି । ଏହି ଚଢାଉ ସମୟରେ ଗୁରୁଜଙ୍ଗର କାହ୍ନା ନାୟକକୁ ଗିରଫ କରିବା ସହ ତାଙ୍କ ଠାରୁ ୧୩.୩ ଗ୍ରାମର ବାଉନସୁଗାର ଜବତ କରଛି ପୋଲିସ୍ । ଡିଲ୍ ସମୟରେ ପୋଲିସ ଚଢାଉ କରିବାରୁ କଣ୍ଟାମଳିମ ଗ୍ରାମର ରବିନା ସାମନ୍ତରା ଓ ଭୋଗଡା ଗ୍ରାମର ଜୁଲୁ ଜେନା ଫେରାର ହୋଇଯାଇଥିବା ବାଘମାରୀ ପୋଲିସ ସୂଚନା ଦେଇଛି । କାହ୍ନା ନାୟକଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ୍ ।
ସେହିପରି ଜଙ୍କିଆ ପୋଲିସ ପକ୍ଷରୁ ଛଣଗିରୀ ଅଞ୍ଚଳରେ ଚଢାଉ କରି ୧୧.୯୩ ଗ୍ରାମର ବ୍ରାଉନସୁଗାର ଜବତ ସହ ଗୁରୁଜଙ୍ଗର ବାବୁଲ ନାୟକକୁ ପୋଲିସ ଗିରଫ କରିଛି । ଖୋର୍ଦ୍ଧା ଆଦର୍ଶ ଥାନା ପୋଲିସ ପକ୍ଷରୁ ଗୁରୁଜଙ୍ଗ ଗିନି ଫାକ୍ଟ୍ରି ନିକଟରେ ଚଢ଼ାଉ କରି ୫୧ ଗ୍ରାମର ବ୍ରାଉନସୁଗାର ଜବତ କରିବା ସହ ଖୋର୍ଦ୍ଧା ଆଦର୍ଶ ଥାନା ଅଞ୍ଚଳର ରବିନ୍ଦ୍ର ବେହେରା ଓ ସଂଜୟ ସାହୁକୁ ଗିରଫ କରିଛି ପୋଲିସ।
Powered by Froala Editor
