ଏମ୍ସିଡି ନିର୍ବାଚନ ଜିତିବା ପରେ କେଜ୍ରିୱାଲ କହିଲେ, ‘ଆଇ ଲଭ୍ ୟୁ’ ଦିଲ୍ଲୀବାସୀ
ଦିଲ୍ଲୀ ମହାନଗର ନିଗମ (ଏମସିଡି) ନିର୍ବାଚନର ଫଳାଫଳ ଘୋଷଣା କରାଯାଇଛି। ୨୫୦ଟି ଆସନ ମଧ୍ୟରୁ ଆମ ଆଦମୀ ପାର୍ଟି ୧୩୪ଟି ଆସନ ଜିତିଛି। ନିର୍ବାଚନ ଫଳାଫଳକୁ ନେଇ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ପ୍ରଥମ ପ୍ରତିକ୍ରିୟା ମଧ୍ୟ ଆସିଛି। ସେ କହିଛନ୍ତି, ଦିଲ୍ଲୀବାସୀଙ୍କୁ ଅନେକ ଅନେକ ଅଭିନନ୍ଦନ, ଆଇ ଲଭ୍ ୟୁ ଠୁ(ମୁଁ ମଧ୍ୟ ତୁମକୁ ଭଲ ପାଏ)। ଦିଲ୍ଲୀର ଲୋକମାନେ ନିଜ ପୁଅ ଓ ଭାଇଙ୍କୁ ଆଶୀର୍ବାଦ ଦେଇଛନ୍ତି। ବିଦ୍ୟାଳୟ ଏବଂ ଡାକ୍ତରଖାନାଗୁଡ଼ିକର ସମାଧାନ ପାଇଁ ଆମେ ଦିନରାତି କଠିନ ପରିଶ୍ରମ କରିଛୁ। ଏବେ ଲୋକମାନେ ଦିଲ୍ଲୀକୁ ସଫା କରିବା ସହ ଦୁର୍ନୀତିର ମୂଳପୋଛ କରିବାକୁ ଆମକୁ ଦାୟିତ୍ୱ ଦେଇଛନ୍ତି। ଆମେ ତାହାକୁ ସୁଚାରୁ ରୂପେ ତୁଲାଇବୁ ବୋଲି କେଜ୍ରିଓ୍ବାଲ୍ ନିଜ ଦଳର ନେତାଙ୍କୁ ପରାମର୍ଶ ଦେଇଛନ୍ତି। ଦିଲ୍ଲୀର ଉପମୁଖ୍ୟମନ୍ତ୍ରୀ ମନୀଷ ସିସୋଡିଆ ମଧ୍ୟ ଏମସିଡି ନିର୍ବାଚନରେ ଏଏପିର ବିଜୟ ପାଇଁ ଦିଲ୍ଲୀବାସୀଙ୍କୁ ଧନ୍ୟବାଦ ଜଣାଇଛନ୍ତି।
Powered by Froala Editor
