ମଦରସାରେ ବୋମା ବିସ୍ଫୋରଣ : ୧୫ ଜଣଙ୍କ ମୃତ୍ୟୁ, ମୃତକଙ୍କ ମଧ୍ୟରେ ୧୦ ଜଣ ସ୍କୁଲ ଛାତ୍ର
ଉତ୍ତର ଆଫଗାନିସ୍ତାନର ଏକ ମଦରସାରେ ବୋମା ବିସ୍ଫୋରଣ ହୋଇଛି । ସ୍ଫୋରଣରେ ୧୫ ଜଣଙ୍କ ମୃତ୍ୟୁ ହୋଇଛି। ଏଥିସହ ୨୭ ଜଣ ଗୁରୁତର ହୋଇଛନ୍ତି । ମୃତକ ଏବଂ ଆହତଙ୍କ ମଧ୍ୟରେ ଅଧିକାଂଶ ଶିଶୁ ରହିଛନ୍ତି ।
ତାଲିବାନ ଜଣେ ଅଧିକାରୀଙ୍କ କହିବା ମୁତାବକ ଉତ୍ତର ଆଫଗାନିସ୍ତାନର ଏକ ମଦରାସାରେ ନମାଜ ପାଠ ବେଳେ ବୋମା ବିସ୍ଫୋରଣ ହୋଇଛି। ଏଥିରେ ୧୫ ଜଣଙ୍କ ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ୧୦ ଜଣ ସ୍କୁଲ ଛାତ୍ର ଅଛନ୍ତି। ଆହତଙ୍କୁ ଉଦ୍ଧାର କରି ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି।
ତାଲିବାନ୍ ଗୃହମନ୍ତ୍ରାଳୟର ମୁଖପାତ୍ର ଅବ୍ଦୁଲ୍ ନଫି ତାକୋର ଏନେଇ କହିଛନ୍ତି ଯେ ଉତ୍ତର ସମଂଗାନ ପ୍ରାନ୍ତର ରାଜଧାନୀ ଏବକ୍ରେ ଘଟିଥିବା ଏହି ବିସ୍ଫୋରଣରେ କେତେକ ଆହତ ହୋଇଛନ୍ତି । ଏହି ଘଟଣାକୁ ନେଇ କେହି ନିଜକୁ ଦାୟୀ କରି ନାହାନ୍ତି ।
କିଛି ସ୍ଥାନୀୟ ଗଣମାଧ୍ୟମ କହିଛି ଯେ ତାଲିବାନ ଅଧିକାରୀମାନେ ବିସ୍ଫୋରଣ ସ୍ଥଳରେ ଲୋକଙ୍କୁ ଭିଡିଓ ତିଆରି କରିବାକୁ ବାରଣ କରିଛନ୍ତି ଏବଂ କୌଣସି ସାଧାରଣ ନାଗରିକଙ୍କୁ ବିସ୍ଫୋରଣ ସ୍ଥଳକୁ ଯିବାକୁ ଅନୁମତି ନାହିଁ। ବର୍ତ୍ତମାନ ପର୍ଯ୍ୟନ୍ତ କୌଣସି ସଂସ୍ଥା ଏହି ବିସ୍ଫୋରଣ ପାଇଁ ନିଜକୁ ଦାୟୀ କରିନଥିବା ବେଳେ ଏହା ପଛରେ ଆଇଏସ୍ଆଇଏସ୍ର ହାତ ଥିବା ସନ୍ଦେହ କରାଯାଉଛି।
Powered by Froala Editor
