ଟୁଥପେଷ୍ଟ ଚୋର ଗିରଫ
ସୁନା, ଗହଣା, ଟଙ୍କା ଚୋରି କଥା ଶୁଣିଥିବେ । ହେଲେ ଏମିତି ଏକ ଚୋର ଧରାପଡିଛି ଯାହାଠୁ ଟୁଥପେଷ୍ଟ ଜବତ ହୋଇଛି । ନଭେମ୍ବର ୨୨ ତାରିଖରେ ଏ ସଂପର୍କରେ ଦିଲ୍ଲୀର ଲାହୌରି ଗେଟ୍ ଥାନାରେ ଏକ ମାମଲା ରୁଜୁ କରାଯାଇଥିଲା । କୁୱଁରପାଲ୍ ସିଂହ ନାମକ ଜଣେ ବ୍ୟକ୍ତି ଟୁଥ୍ପେଷ୍ଟ ଚୋରି ଅଭିଯୋଗ ଆଣିଥିଲେ । ଏଭଳି ଅଭିନବ ଚୋରି ସଂପର୍କରେ ଶୁଣିବା ପରେ ସେଠାକାର ପୁଲିସକର୍ମୀମାନେ ମଧ୍ୟ ଆଶ୍ଚର୍ଯ୍ୟ ହୋଇଗଲେ।
ତେବେ ତଦନ୍ତ କରିବା ପରେ ପ୍ରକୃତ ସତ୍ୟ ସାମ୍ନାକୁ ଆସିଲା । ସିଂହଙ୍କ ଘରୁ ୨୧୫ ପେଟି ଟୁଥ୍ପେଷ୍ଟ ଚୋରି ହୋଇଥିବା ଜଣାପଡ଼ିଲା । ତା’ର ମୋଟ ମୂଲ୍ୟ ପ୍ରାୟ ୧୧ ଲକ୍ଷ ଥିଲା । ପରେ ଅଭିଯୁକ୍ତ ଉଦଲ କୁମାର ଓରଫ୍ ସନ୍ତୋଷ ଚୋରି ସାମଗ୍ରୀକୁ ନେଇ ଉତ୍ତରପ୍ରଦେଶ ବହରାଇଚ୍ ଜିଲ୍ଲା ଜରୱଲ ରୋଡ୍ ଥାନା ଅଞ୍ଚଳରେ ଥିବା ନିଜ ଘରକୁ ପଳାଇଥିବା ଜଣାପଡ଼ିଲା । ଦିଲ୍ଲୀ ପୁଲିସ ୟୁପି ପୁଲିସ ସହାୟତାରେ ସେଠାରେ ଚଢ଼ାଉ କରିବା ପରେ ସନ୍ତୋଷ ନିଜ ଘରେ ଏକ ପ୍ଲାଷ୍ଟିକ୍ ସିଟ୍ ଢାଙ୍କି ଟୁଥ୍ପେଷ୍ଟ ପେଟିଗୁଡ଼ିକୁ ରଖିଥିବାର ଦେଖିବାକୁ ମିଳିଲା । ପୁଲିସ ସେହି ପେଟିଗୁଡ଼ିକୁ ଜବତ କରିଛି ।
Powered by Froala Editor
