୫୫ ବର୍ଷୀୟ ବ୍ୟକ୍ତିଙ୍କ ଶ୍ୱାସନଳୀରୁ ବାହାରିଲା ଲୁହା ନଟ୍
କୋଏମ୍ବାଟୁର ମେଡିକାଲ କଲେଜର ଡାକ୍ତରମାନେ ଜଣେ ବ୍ୟକ୍ତଙ୍କ ଶ୍ୱାସନଳୀରେ ଅଟକି ରହିଥିବା ୧.୫ ସେମିର ଲୁହା ନଟ୍ ବାହାର କରିଛନ୍ତି। ସୂଚନା ଅନୁସାରେ, କୁନିୟାମୁଥୁର ଅଞ୍ଚଳରେ ରହୁଥିବା ୫୫ ବର୍ଷୀୟ ସାମସୁତିନ ସାମସୁତିନ ଇଲେକ୍ଟ୍ରିସିଆନ ଭାବେ କାମ କରନ୍ତି। ସେ କାମ ସମୟରେ ଭୁଲ ବଶତଃ ଲୁହା ନଟକୁ ଗିଳି ଦେଇଥିଲେ ମଧ୍ୟ ଜାଣି ନଥିଲେ। କିଛି ଦିନ ପରେ ସେ ନିଃଶ୍ୱାସ ନେବାରେ କଷ୍ଟ ଅନୁଭବ କରିବା ସହ କଫ ଜନିତ ସମସ୍ୟାରେ ପଡ଼ିଥିଲେ। ଅକ୍ଟୋବର ୧୮ରେ ତାଙ୍କ ଅବସ୍ଥା ଅଧିକ ସଙ୍କଟାପନ୍ନ ହେବାରୁ ସାମସୁତିନଙ୍କୁ କୋଏମ୍ବାଟୁର ମେଡିକାଲ କଲେଜ ହସ୍ପିଟାଲରେ ଭର୍ତ୍ତି କରାଯାଇଥିଲା। ତାଙ୍କ ବାମ ପଟ ଛାତି ପାଖରେ ଥିବା ମୁଖ୍ୟ ଶ୍ୱାସନଳୀରୁ ଏହି ନଟକୁ ବାହାର କରାଯାଇଛି।
ପ୍ରିକ୍ରିୟାରେ ତ୍ରୁଟି ସାଂଘାତିକ ସ୍ଥିତି ସୃଷ୍ଟି କରିବାର ଆଶଙ୍କା ମଧ୍ୟ ରହିଥିଲା। କିନ୍ତୁ ଇଏନଟି ବିଭାଗର ମୁଖ୍ୟ ଅଲୀ ସୁଲତାନାଙ୍କ ନେତୃତ୍ୱାଧୀନ ଟିମ୍ ମାତ୍ର ୧୫ ମିନିଟ୍ ମଧ୍ୟରେ ବ୍ୟକ୍ତିଙ୍କ ଶ୍ୱାସନଳୀରୁ ନଟକୁ ସଫଳତାର ସହ ବାହାର କରାଯାଇଥିଲା। ନଟ ବାହାରିବା ପରେ ରୋଗୀ ଜଣଙ୍କ ସଂପୂର୍ଣ୍ଣ ସୁସ୍ଥ ଅନୁଭବ କରିଥିଲେ। ପୂର୍ବରୁ ମେଡିକାଲ ବିଜ୍ଞାନରେ ଏପରି ଘଟଣା ଖୁବ କୋଚିତ ବା ଆଦୌ ଦେଖିବାକୁ ମିଳି ନଥିଲା।
Powered by Froala Editor
