ସବୁ ପିଲାଙ୍କ ଆଗରେ ଡ୍ରେସ୍ ଖୋଲି ତଲାସୀ ନେଲେ ଶିକ୍ଷୟିତ୍ରୀ, ଅପମାନ ସହିନପାରି ନିଜକୁ ନିଆଁ ଲଗାଇଦେଲା ଛାତ୍ରୀ
![ସବୁ ପିଲାଙ୍କ ଆଗରେ ଡ୍ରେସ୍ ଖୋଲି ତଲାସୀ ନେଲେ ଶିକ୍ଷୟିତ୍ରୀ, ଅପମାନ ସହିନପାରି ନିଜକୁ ନିଆଁ ଲଗାଇଦେଲା ଛାତ୍ରୀ](https://odishanewslens.com/news_gallery/16914_1665860208.jpg)
ପିଲାମାନେ ବହୁତ ସମ୍ବେଦନଶୀଳ । ତେଣୁ ସ୍କୁଲରେ ପିଲାଙ୍କୁ ମାରିବା ଉପରେ କଟକଣା ଲଗାଯାଇଛି । କିଛି ଅଭିଯୋଗ ଆସିଲେ ତୁରନ୍ତ କାର୍ଯ୍ୟାନୁଷ୍ଠାନ ନିଆଯାଉଛି । ତାସତ୍ତ୍ୱେ ସ୍କୁଲ୍ରେ ପିଲାଙ୍କ ଉପରେ ନିର୍ଯାତନା କମୁନି । କିଛି ଦିନ ତଳେ ଜଣେ ଦଳିତ ଛାତ୍ରଙ୍କୁ ଶିକ୍ଷକ ପିଟିପିଟି ମାରି ଦେଇଥିବା ଭଳି ଘଟଣା ସାମ୍ନାକୁ ଆସିଥିଲା । ଏବେ ଜଣେ ଛାତ୍ରୀ ଶିକ୍ଷୟିତ୍ରୀଙ୍କ ଅପମାନ ସହି ନପାରି ଆତ୍ମହତ୍ୟା କରିଛି । ଯାହାକି ନିନ୍ଦନୀୟ । ଘଟଣାକୁ ନେଇ ଆକ୍ରୋଶର ମାହୋଲ ରହିଛି। ଶତାଧିକ ଲୋକ ସ୍କୁଲଠୁ ନେଇ ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ପର୍ଯ୍ୟନ୍ତ ବିରୋଧ ପ୍ରଦର୍ଶନ କରିଛନ୍ତି। ଶିକ୍ଷୟତ୍ରୀଙ୍କୁ ବରଖାସ୍ତ ଆଦେଶ ଦିଆଯାଇଛି।
ଘଟଣାଟି ଜାମସେଦପୁରର ସାକଚି ସ୍ଥିତ ଶାରଦାମଣୀ ବାଳିକା ବିଦ୍ୟାଳୟର । କପି କରୁଥିବା ସନ୍ଦେହରେ ଶିକ୍ଷୟତ୍ରୀ ଜଣେ ନବମ ଶ୍ରେଣୀ ଛାତ୍ରୀର ପୋଷାକ ଖୋଲି ତଲାସି ନେଇଥିଲେ। ଆଉ ଛାତ୍ରୀଙ୍କ ନିକଟରୁ କୌଣସି କପି ମିଳିନଥିଲା। କିନ୍ତୁ ଘଟଣାରେ ଛାତ୍ରୀଜଣକ ନିଜକୁ ବହୁତ ଅପମାନିତ ବୋଧ କରିଥିଲେ। ଘରକୁ ପହଞ୍ଚି କିରୋସିନି ଢାଳି ଶରୀରରେ ନିଆଁ ଲଗାଇ ଦେଇଥିଲେ। ଟିଏମଏଚରେ ଛାତ୍ରୀଙ୍କୁ ଭର୍ତ୍ତି କରିଥିଲେ ପରିଜନ ଏବଂ ସେଠାରେ ଚିକିତ୍ସା ଜାରି ରହିଥିଲା। ତେବେ ଶନିବାର ସକାଳ ୧୧ଟା ୩୦ରେ ଛାତ୍ରୀ ଆଖି ବୁଜିଛନ୍ତି।
Powered by Froala Editor