ବର୍ଷା ଦିନ ଆସିଲେ ମୁଖ୍ୟତଃ ଚିନ୍ତା ଘାରିଥାଏ କିପରି ନିଜକୁ ମେଣ୍ଟନ କରିବେ । ପାଣି, କାଦୁଅ ଓ ରେନକୋଟ,ର୍ ଛତା ଆଦି ବ୍ୟବହାର କରିବା ଫଳରେ ପ୍ରାୟ ଭୁଲିଯାଆନ୍ତି ନିଜର ଷ୍ଟାଇଲିସ ଆନ୍ଦାଜକୁ । ସୁନ୍ଦର ଦେଖାଯିବା ସହିତ ଆରାମଦାୟକ ଅନୁଭବ ପାଇଁ ବର୍ଷାଦିନେ ଠିକ୍‌ ପୋଷାକ ଚୟନ କରିବା ନିହାତି ଆବଶ୍ୟକ। ତେଣୁ ଏହି ଋତୁରେ କେଉଁ ଫାବ୍ରିକର ପୋଷାକ ପିନ୍ଧିବେ ଜାଣିରଖନ୍ତୁ…

- ବର୍ଷାଦିନେ ଶୀଘ୍ର ଶୁଖିଯାଉଥିବା ଭଳି ଫାବ୍ରିକ ବ୍ୟବହାର କରନ୍ତୁ। କିନ୍ତୁ ଟ୍ରାନ୍ସପରେଣ୍ଟ ଫାବ୍ରିକ ପିନ୍ଧନ୍ତୁ ନାହିଁ। କାରଣ ବର୍ଷାରେ ସାମାନ୍ୟ ଓଦା ହୋଇଗଲେ ଅଶ୍ୱସ୍ତିବୋଧ କରିବେ।
- ବର୍ଷାଦିନେ ଶର୍ଟ ଷ୍ଟାଇଲ୍‌ ବହୁତ ଭଲ। ତେଣୁ ଆଙ୍କେଲ ଲେନ୍ଥ କିମ୍ବା ଥ୍ରି ଫୋର୍ଥ ଲେଗିଙ୍ଗ୍‌ସ ସହିତ କୁର୍ତ୍ତି ପିନ୍ଧିପାରିବେ।
- ବ୍ରାଇଟ୍‌ ଏବଂ ବୋଲ୍‌ଡ କଲରର ପୋଷାକ ଏହି ଋତୁରେ ବେଶ୍‌ ଭଲ ଲାଗିବ।
- ଏହି ଋତୁରେ ଟ୍ରାନ୍ସପରେଣ୍ଟ ଲଙ୍ଗ୍‌ ରେନ୍‌କୋଟ୍‌ ପିନ୍ଧନ୍ତୁ, ବହୁତ ସୁନ୍ଦର ଲାଗିବ।
କର୍ଟନର ପୋଷାକକୁ ଏଭରଗ୍ରିନ୍‌ ଫାବ୍ରିକ୍‌ କୁହାଯାଏ। ତେଣୁ ବର୍ଷାଦିନେ ଏହି ଫାବ୍ରିକର ପୋଷାକ ପିନ୍ଧିବା ବହୁ ଆରାମଦାୟକ। ଏହି ପୋଷାକ ବର୍ଷାଦିନେ ଓଦା ହୋଇଗଲେ ବି ଶରୀରରେ ଲାଗିଯାଏ ନାହିଁ ଏବଂ ଓଦା ହେବା ପରେ ଏହା ମଧ୍ୟ ଶୀଘ୍ର ଶୁଖିଥାଏ। ବର୍ଷାଦିନେ କର୍ଟ ମେକ୍ସି ଡ୍ରେସ୍‌, ସ୍କର୍ଟ, ଟପ୍‌ ଓ କୁର୍ତ୍ତା ବହୁତ ସୁନ୍ଦର ଏବଂ ଫ୍ୟାଶନେବଲ୍‌ ଲାଗିବ।
ବର୍ଷାଦିନେ ଶିଫନ୍‌, ଲାଇଲନ୍‌ ଏବଂ ସିଲ୍କ ଫାବ୍ରିକ୍‌ ମଧ୍ୟ ପିନ୍ଧିବା ଆରାମଦାୟକ। ଏହି ଫାବ୍ରିକର ପୋଷାକ ବର୍ଷାଦିନେ ଓଦା ହୋଇଗଲେ ଖୁବ୍‌ ଶୀଘ୍ର ଶୁଖିଯାଇଥାଏ। ଶିଫନ୍‌ ଫାବ୍ରିକର ଡ୍ରେସ୍‌ ବହୁତ ହାଲ୍‌କା ଏବଂ ମୁଲାୟମ ହୋଇଥିବାରୁ ପିନ୍ଧିବାକୁ ମଧ୍ୟ ବହୁତ ଆରାମଦାୟକ ହୋଇଥାଏ। ସୁନ୍ଦର ପ୍ରିଣ୍ଟେଡ୍‌ ଶିଫନ ଫାବ୍ରିକର ପୋଷାକ ଦେଖିବାକୁ ବି ବହୁତ ଭଲ ଲାଗିଥାଏ।

ବର୍ଷାଦିନେ ଡେନିମ୍‌ର ଫାବ୍ରିକ୍‌ ପିନ୍ଧିବା ଆଦୌ ଉଚିତ ନୁହେଁ ବୋଲି ଅନେକେ ଭାବନ୍ତି। କିନ୍ତୁ ଡେନିମ୍‌ ପିନ୍ଧିବାର ବି କିଛି ସୁବିଧା ନିଶ୍ଚୟ ରହିଛି। ଏହା ପିନ୍ଧିବାକୁ ଆରାମଦାୟକ ହେବା ସହ ସହଜରେ ଖରାପ ହୋଇ ନ ଥାଏ। କାରଣ ଏହି ଫାବ୍ରିକରେ ଦାଗ ସହଜରେ ଲାଗି ନ ଥାଏ। ତେଣୁ ବେଳେବେଳେ ଏହି ଫାବ୍ରିକ ପିନ୍ଧିଲେ ବି ଫ୍ୟାଶନେବଲ ଲାଗିଥାଏ।

Powered by Froala Editor