ରିସର୍ଚ୍ଚ ସ୍କଲାର ତଥା ସାମାଜିକ କର୍ମୀ ସାଫୋରା ଜାରଗରଙ୍କୁ ଜାମିଆ ମିଲିଆ ଇସଲାମିଆ ବିଶ୍ୱବିଦ୍ୟାଳୟ ମନା  କରାଯାଇଛି। ଏନେଇ ୟୁନିଭର୍ସିଟି ପକ୍ଷରୁ ନୋଟିସ ଜାରି କରାଯାଇଛି। ଦିଲ୍ଲୀ ଦଙ୍ଗାର ଅଭିଯୁକ୍ତ ସାଫୋରାଙ୍କୁ ୟୁନିଭର୍ସିଟିରେ ପ୍ରବେଶ ନେଇ ବିରୋଧ କରାଯାଇଛି।

ଏମଫିଲ ଆଡ୍‌ମିଶନ ପାଇଁ ସେ ତାଙ୍କର ଡିସାର୍ଟେସନ୍(ଥେସିସି) ସାର୍ଟିଫିକେଟ ଦାଖଲ କରି ନଥିବାରୁ ତାଙ୍କୁ ନାମ ଲେଖାରୁ ବାରଣ କରାଯାଇଛି। ଏଥିସହ ଅନ୍ୟ କିଛି କାରଣ ମଧ୍ୟ ଦର୍ଶାଯାଇଛି। ପୂର୍ବରୁ ଏଠାରେ ସେ ଅଧ୍ୟୟନ କରୁଥିବା ବେଳେ ଜଣେ ଅଭ୍ୟାସଗତ ବିଶୃଙ୍ଖଳାକାରୀ ଭାବେ ଦର୍ଶାଯାଇଛି। କ୍ୟାମ୍ପସରେ ସାଫୋରା ବାରମ୍ବାର ଆନ୍ଦୋଳନ ଏବଂ ବିକ୍ଷୋଭ ପ୍ରଦର୍ଶନ କରୁଥିବା ଦର୍ଶାଯାଇଛି। ଉକ୍ତ ବିଶ୍ୱବିଦ୍ୟାଳୟରେ ସାଫୋରା ହେଛନ୍ତି ଜଣେ ପୁରାତନ ଛାତ୍ରୀ। ବିଶ୍ୱବିଦ୍ୟାଳୟରେ ବିଭିନ୍ନ ପ୍ରସଙ୍ଗକୁ ନେଇ ସାଫୋରା ସ୍ୱର ଉତ୍ତୋଳନ କରିବା ସହ ଆନ୍ଦୋଳନ ଓ ବିକ୍ଷୋଭ ପ୍ରଦର୍ଶନ କରିବାରେ ତାଙ୍କ ନାମରେ ରେକର୍ଡ଼ ରହିଛି।

ଏହା ପୂର୍ବରୁ ସାଫୋରାଙ୍କର ଏମ୍‌ଫିଲ୍‌ ଆଡମିସନକୁ ୟୁନିଭର୍ସିଟି ପକ୍ଷରୁ କ୍ୟାନ୍‌ସଲ କରାଯାଇଥିଲା। ଏହାପରେ କ୍ୟାମ୍ପସରେ ଛାତ୍ରଛାତ୍ରୀମାନେ ପ୍ରବଳ ବିରୋଧ ପ୍ରଦର୍ଶନ କରିଥିଲେ। ପ୍ରଦର୍ଶନକାରୀ ଛାତ୍ରମାନେ ଜାମିଆ ମାଟିରେ ଆର୍‌ଏସ୍‌ଏସ୍‌ର କବର ଖୋଳିବୁ, ଏବିପିର କବର ଖୋଳିବୁ ବୋଲି ନାରା ଲଗାଇଥିଲେ।

Powered by Froala Editor