ବଜ୍ରାଘାତରେ ତିନି ଜଣଙ୍କ ମୃତ୍ୟୁ
ବଲାଙ୍ଗିିର ଜିଲ୍ଲା ଲୋଇସିଂହା ବ୍ଲକ ଜଡାମୁଣ୍ଡା ଗାଁରେ ବଜ୍ରାଘାତରେ ତିନିଜଣଙ୍କ ମୃତ୍ୟୁ ଘଟିଛି । ଆଜି ସନ୍ଧ୍ୟା ପ୍ରାୟ ୭ ଟାରୁ ୮ଟା ଭିତରେ ଜଡାମୁଣ୍ଡା ଗାଁର ୨୭ ବର୍ଷୀୟ ପ୍ରଶାନ୍ତ ତାଣ୍ଡି, ୨୦ ବର୍ଷୀୟ କାହ୍ନୁ ମୁଣ୍ଡା ଓ ୧୨ ବର୍ଷୀୟ ନାବାଳକ ଚନ୍ଦନ ଝା ଶୌଚ ପାଇଁ ଗାଁ ନିକଟସ୍ଥ ପୋଖରୀକୁ ଯାଇଥିଲେ। ସେହି ସମୟରେ ଝଡ଼ ତୋଫାନ ସହିତ ବଜ୍ରପାତ ହୋଇଥିଲା। ଫଳରେ ଘଟଣାସ୍ଥଳରେ ହିଁ ୩ ଜଣଙ୍କର ମୃତ୍ୟୁ ହୋଇଥିଲା। ସୂଚନା ପାଇ ପୁଲିସ ଜଡ଼ାମୁଣ୍ଡା ଗାଁକୁ ପହଞ୍ଚି ୩ ମୃତଦେହ ପୋଷ୍ଟମର୍ଟମ ପାଇଁ ପଠାଯାଇଛି। ଦୁଇ ଜଣ ଯୁବକ ଓ ଜଣେ ନାବାଳକଙ୍କ ମୃତ୍ୟୁରେ ଗାଁରେ ଶୋକର ଛାୟା ଖେଳିଯାଇଛି।
ସୂଚନାଯୋଗ୍ୟ, କାହ୍ନୁ ମୁଣ୍ଡାଙ୍କ ବଡ଼ ଭାଇ କାହ୍ନା ମୁଣ୍ଡାଙ୍କର ଗତବର୍ଷ ମୃତ୍ୟୁ ହୋଇଥିଲା। ଗାଁ ନିକଟରେ ଏକ ସଡ଼କ ଦୁର୍ଘଟଣା କାହ୍ନାଙ୍କ ମୃତ୍ୟୁ ହୋଇଥିଲା। ସେହିପରି ପ୍ରଶାନ୍ତଙ୍କ ବାପାଙ୍କର ମୃତ୍ୟୁ ବହୁ ବର୍ଷ ପୂର୍ବରୁ ହୋଇଛି। ତାଙ୍କର ୨ ସାନଭାଇ ଓ ମା’ ଅଛନ୍ତି । ଚନ୍ଦନ ଝାଙ୍କର ତାଙ୍କର ବାପା-ମା’ଙ୍କର ଏକ ମାତ୍ର ପୁଅ ଥିଲେ।
Powered by Froala Editor
