ଦିଲ୍ଲୀର ଜବାହରଲାଲ ନେହେରୁ ୟୁନିଭର୍ସିଟି(ଜେଏନୟୁ)ରେ ଛାତ୍ରଙ୍କ ସହିତ ମାରପିଟ୍ ଘଟଣା ସାମ୍ନାକୁ ଆସିଛି। ଛାତ୍ରଙ୍କୁ ସୁରକ୍ଷାକର୍ମୀ ମାଡ଼ ମାରିବାରୁ ଏବିଭିପି ସଭାପତି ଓ ଜଣେ ଦୃଷ୍ଟିଶକ୍ତି ହରାଇଥିବା ଛାତ୍ରଙ୍କ ସମେତ ୧୨ ଜଣ ଆହତ ହୋଇଛନ୍ତି। ବର୍ଷେ ହେଲା ଛାତ୍ରବୃତ୍ତି ଓ ଫେଲୋଶିପ୍‌ ପାଇ ନ ଥିବାରୁ ତୁରନ୍ତ ତାହା ପୈଠ କରାଯିବାକୁ ଦାବି କରି ଛାତ୍ରୀଛାତ୍ର ବିକ୍ଷୋଭ ପ୍ରଦର୍ଶନ କରୁଥିଲେ। ସେମାନେ ପ୍ରଶାସନିକ କାର୍ଯ୍ୟାଳୟକୁ ଘେରାଉ କରିଥିଲେ। ଛାତ୍ରବୃତ୍ତି ମାଗିବାରୁ ଛାତ୍ରମାନଙ୍କୁ ବିଶ୍ଵ ବିଦ୍ୟାଳୟ କର୍ତ୍ତୃପକ୍ଷ ଏବଂ ଗାର୍ଡ ମାଡ ମାରିଛନ୍ତି। ବିକ୍ଷୋଭକାରୀ ଛାତ୍ରଙ୍କୁ ମାଡ଼ ମାରିବା ଲାଗି ପ୍ରଶାସନ ସୁରକ୍ଷା କର୍ମୀଙ୍କୁ ନିର୍ଦ୍ଦେଶ ଦେଇଥିବା ଏବିଭିପି ସଭାପତି ରୋହିତ କୁମାର ଅଭିଯୋଗ କରିଛନ୍ତି।

ଛାତ୍ରମାନଙ୍କ ଅଭିଯୋଗ ଯେ, ଦୁଇ ବର୍ଷ ହେବ ତାଙ୍କ ଛାତ୍ର ବୃତ୍ତିକୁ ଅଟକାଇ ରଖାଯାଇଛି। ଛାତ୍ରବୃତ୍ତି ଜାରି କରିବା ଦାବି ନେଇ ଜେଏନୟୁ କର୍ତ୍ତୃପକ୍ଷଙ୍କ ନିକଟକୁ ଯାଇଥିଲୁ। ମାତ୍ର ସେଠାରେ କର୍ମଚାରୀ ଏବଂ ଗାର୍ଡ ସେମାନଙ୍କୁ ଅଟକାଇବା ସହ ମାରପିଟ୍ କରିଛନ୍ତି।

ଆହତ ଛାତ୍ରଙ୍କ କହିବା କଥା ସେମାନେ ଶୀଘ୍ର ଦିଲ୍ଲୀ ପୋଲିସରେ ଅଭିଯୋଗ କରିବେ। ଘଟଣାର ଭିଡିଓ ମଧ୍ୟ ସାମ୍ନାକୁ ଆସି ସାରିଛି। ଏଥିରେ ଛାତ୍ର ଏବଂ ଗାର୍ଡଙ୍କ ମଧ୍ୟରେ ଟଣାଓଟରା ଦେଖିବାକୁ ମିଳିଛି।

Powered by Froala Editor