କେମିତି ସଫା କରିବେ ପିଲାଙ୍କ କାନ
![କେମିତି ସଫା କରିବେ ପିଲାଙ୍କ କାନ](https://odishanewslens.com/news_gallery/15010_1658658718.jpg)
ଭୁବନେଶ୍ୱର: ଶିଶୁଙ୍କର ସ୍ୱାସ୍ଥ୍ୟର ଯେତିକି ଧ୍ୟାନ ରଖିବା ଉଚିତ, ସେତିକି ସ୍କିନର ମଧ୍ୟରଖିବା ଜରୁରୀ। ପିଲାଙ୍କ ସ୍କିନ ବହୁତ ସମ୍ବେଦନଶୀଳ ହୋଇଥାଏ। ତେଣୁ ଅଧିକ ଧ୍ୟାନ ରଖିବା ଉଚିତ। ପିଲାଙ୍କୁ ଲାଳନ ପାଳନ କରିବା ପାଇଁ ଜେଜେ ମା ଏବଂ ଆଈ ବିଭିନ୍ନ ପ୍ରକାର ଉପାୟ ବତାଇଥାନ୍ତି। ପିଲାଙ୍କୁ କ’ଣ ଖୁଆଇବେ, କେମିତି ଶୁଆଇବେ, ଆଖି, ନାକ, କାନର କିପରି ଯତ୍ନ ନେବେ ସେକଥା ଜଣାନ୍ତି। ହେଲେ ଶିଶୁଙ୍କ କାନ ସଫା କରିବା ପାଇଁ କାନରେ ତେଲରେ ପକାଇବା ପାଇଁ କୁହନ୍ତି। କିନ୍ତୁ କ’ଣ କାନରେ ତେଲ ପକାଇବା ପିଲାଙ୍କ ସ୍ୱାସ୍ଥ୍ୟ ପାଇଁ ଉତ୍ତର ରହିଥାଏ ? ପିଲାଙ୍କର ଆଖି, କାନ ଏବଂ ନାକ କିପରି ସଫା କରିବେ, ତା ପାଇଁ କିଛି ଟିପ୍ସ ରହିଛି। ଯାହାକୁ ଆପଣ ମାନିବା ଦ୍ୱାରା ପିଲାଙ୍କ ଦେହ ସୁସ୍ଥ ରହିବ।
ପିଲାଙ୍କ ନାକ କେମିତି ସଫା କରିବେ :
ପିଲାଙ୍କ ନାକରେ କିଛି ବି ପକାନ୍ତୁ ନାହିଁ। ନାକ ସଫା କରିବା ପାଇଁ ଆପଣ ଆଙ୍ଗୁଠିର ବ୍ୟବହାର କରୁଥିଲେ କରନ୍ତୁ ନାହିଁ। ଡାକ୍ତରଙ୍କ ପରାମର୍ଶ ନେଇ ନୋଜ ଡ୍ରପ୍ ବ୍ୟବହାର କରନ୍ତୁ। ଏମିତି କରିବା ଦ୍ୱାରା ବଲଗମ୍ ସଫ୍ଟ ହୋଇଥାଏ। ତା ’ ପରେ ତୁଳା ସାହାଯ୍ୟରେ ମଇଳା ସଫା କରିପାରିବେ। ଆପଣ ଯଦି ଚାହିଁବେ ଓଦା କପଡା ସାହାଯ୍ୟରେ ସଫା କରିପାରିବେ।
କେମିତି କରିବେ କାନ ସଫା :
କାନରେ ଜମା ହୋଇଥିବା ମଇଳା ଦ୍ୱାରା ସଂକ୍ରମଣ ହୋଇଥାଏ। ଶିଶୁଙ୍କ କାନକୁ ସଫା କରିବା ପାଇଁ ପାନରେ ତେଲ ପକାନ୍ତି ନାହିଁ। କାନ ଡ୍ରପ କିମ୍ବା ଗରମ ପାଣିର ବ୍ୟବହାର କରିପାରିବେ। ମଇଳାସଫା କରିବାପାଇଁ କାନର ଚାରିପାଖରେ ଧୀରେ ଧୀରେ ରଗଡନ୍ତୁ। ଏମିତି କଲେ ମଧ୍ୟ ମଇଳା ବାହାରକୁ ଆସିଥାଏ।
କାନ ସଫା କରିବା ସମୟରେ ଇଅରବଡସ ବ୍ୟବହାର କରିବା ଉଚିତ ନୁହେଁ। କାନରେ ତେଲ ପକାନ୍ତୁ ନାହିଁ। ଡାକ୍ତରଙ୍କ ପରାମର୍ଶ ନିଅନ୍ତୁ। ପିଲାଙ୍କ କାନରେ କେବେ ବି ଓ୍ଵାଶକ୍ଲଥ ପୁରାନ୍ତୁ ନାହିଁ।
କେମିତି ସଫା କରିବେ ଆଖି :
ଅନେକ ଥର ଶିଶୁଙ୍କ ଆଖି କୋଣରୁ ଧଳା କିମ୍ବା ହଳଦିଆ ରଙ୍ଗର ଲିକ୍ୱିଡ ଜମା ହୋଇଥାଏ। ଏହା ଦୁଇ ଆଖିରେ ଦେଖିବାକୁ ମିଳିଥାଏ। ପିଲାଙ୍କ ଆଖିକୁ ମକଚନ୍ତୁ ନାହିଁ। ପିଲାଙ୍କ ଆଖି ସଫା କରିବା ପାଇଁ ଗରମ ପାଣିରେ ତୁଳାକୁ ବୁଡାଇ ଆଖିକୁ ସଫା କରିପାରିବେ। ପିଲାଙ୍କ ଆଖି ନାଲି ପଡିବା ଏବଂ ଲୁହାଉଥିଲେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ।
Powered by Froala Editor