ହିଂସ୍ର ହେଲେ ମାଙ୍କଡପଲ, ୪ ମାସର ଶିଶୁକୁ ଛାତରୁ ଫିଙ୍ଗିଦେଲେ
ଉତ୍ତରପ୍ରଦେଶ ଗ୍ରାମାଞ୍ଚଳ ବରେଲିରେ ଏକ ଛାତି ଥରାଇବା ଭଳି ଘଟଣା ଘଟିଛି । ହଠାତ୍ ମାଙ୍କଡ ପଲ ବାପା ମା’ ଠାରୁ ୪ ମାସର ଛୁଆକୁ ଛଡାଇ ନେଇ ୩ ମହଲା ଛାତରୁ ପକାଇ ଦେଇଛନ୍ତି । ଫଳରେ ଛୁଆଟିର ମୃତ୍ୟୁ ଘଟିଛି । ଏ ଘଟଣା ଲୋକଙ୍କୁ ସ୍ତବ୍ଧ କରିଦେଇଛି । ବରେଲିର ମୁଖ୍ୟ ବନ ସଂରକ୍ଷକ ଲଲିତ ବର୍ମା ଏହି ସୂଚନା ଦେଇଛନ୍ତି। ଘଟଣା ଜାଣିବା ପରେ ଜଙ୍ଗଲ ବିଭାଗର ଏକ ଟିମ୍ ଘଟଣାସ୍ଥଳକୁ ଯାଇ ତଦନ୍ତ ଆରମ୍ଭ କରିଛି ।
ଶୁକ୍ରବାର ନିରଦେଶ ଉପାଧ୍ୟାୟ ନାମକ ଜଣେ ବ୍ୟକ୍ତି ଓ ପତ୍ନୀ ନିଜ ବାସଭବନର ଛାତ ଉପରେ ବୁଲୁଥିଲେ। ସାଙ୍ଗରେ ୪ ମାସ ଛୁଆକୁ ମଧ୍ୟ ଧରିଥିଲେ। ଏହି ସମୟରେ ଦଳେ ମାଙ୍କଡ଼ ଉକ୍ତ ଛାତ ଉପରକୁ ଆସି ସେମାନଙ୍କୁ ଘେରି ଯାଇଥିଲେ।
ମାଙ୍କଡ଼ମାନଙ୍କୁ ଉଭୟ ସ୍ୱାମୀ-ସ୍ତ୍ରୀ ଘଉଡ଼ାଇବା ପାଇଁ ଚେଷ୍ଟା କରି ସେମାନଙ୍କ କବଳରୁ ଖସିବା ପାଇଁ ଚେଷ୍ଟା କରିଥିଲେ। କିନ୍ତୁ ମାଙ୍କଡ଼ମାନେ ନିରଦେଶଙ୍କୁ ଘେରିଯାଇଥିଲେ। ନିରଦେଶ ଭୟଭୀତ ହୋଇ ଶିଡ଼ି ଆଡ଼କୁ ଦଉଡ଼ିଥିଲେ। ହେଲେ ତାଙ୍କ ହାତରେ ଥିବା ୪ ମାସର ଛୁଆଟି ଦୁର୍ଭାଗ୍ୟବସତଃ ଖସିପଡ଼ିଥିଲା। ଏହି ସମୟରେ ମାଙ୍ଗଡ଼ ପଲ ଛୁଆଟିକୁ ଟେକିନେଇ ଛାତ ଉପରୁ ଫିଙ୍ଗି ଦେଇଥିଲେ।
Powered by Froala Editor
