ତ୍ୱଚା ପାଇଁ ଖୁବ ଉପକାରୀ ଅମୃତଭଣ୍ଡା
![ତ୍ୱଚା ପାଇଁ ଖୁବ ଉପକାରୀ ଅମୃତଭଣ୍ଡା](https://odishanewslens.com/news_gallery/14255_1655773596.jpg)
ଉତ୍ତମ ସ୍ୱାସ୍ଥ୍ୟ ଓ ତ୍ୱଚା ପାଇଁ ଅମୃତଭଣ୍ଡା ଖୁବ ଉପକାରୀ। ଭିଟାମିନ ଓ ମିନେରାଲ୍ସରେ ଭରପୁର ଅମୃତଭଣ୍ଡାରେ ଆଣ୍ଟି-ଅକ୍ସିଡାଣ୍ଟ ମଧ୍ୟ ରହିଛି। ଯାହା ତ୍ୱଚା ଜନିତ ଅନେକ ସମସ୍ୟା ଦୂର କରିଥାଏ। ଅମୃତଭଣ୍ଡାକୁ ବ୍ୟବହାର କରି ଫେସିଆଲ୍ କରିବା ଦ୍ୱାରା ପାର୍ଲର ଭଳି ଚମକ ଖୁବ କମ ସମୟରେ ମିଳିପାରିବ।
ଅମୃତଭଣ୍ଡା ଫେସିଆଲ ପାଇଁ ପ୍ରଥମେ ଅମୃତଭଣ୍ଡାକୁ ଭଲ ଭାବେ ପେଷି ଏକ ପାତ୍ରରେ ଏହାକୁ ରଖନ୍ତୁ। ଏଥିରେ କ୍ଷୀର ମିଶାନ୍ତୁ। ଏହାକୁ ମୁହଁରେ ଭଲ ଭାବେ ଲଗାନ୍ତୁ। ଏହାକୁ ୩ ରୁ ୪ ମିନିଟ ଯାଏଁ ମୁହଁରେ ଭଲ ଭାବେ ମାଲିସ କରି ମୁହଁ ଧୋଇ ଦିଅନ୍ତୁ। କ୍ଷୀର ତ୍ୱଚାରୁ ଅପରିଷ୍କାର ଜିନିଷ ବାହାର କରିବାରେ ବେଶ ସହାୟକ ହୋଇଥାଏ।
ଏବେ ପେଷା ଅମୃତଭଣ୍ଡାରେ ଚାଉଳ ଗୁଣ୍ଡ ମିଶାନ୍ତୁ। ଏହାକୁ ମୁହଁରେ ଓ ବେକରେ ଲଗାଇ ମାଲିସ କରନ୍ତୁ। ଏହା ଦ୍ୱାରା ମୁହଁ ଭଲ ଭାବେ ସଫା ହୋଇ ଯାଇଥାଏ।
ପେଷା ଅମୃତଭଣ୍ଡାରେ ଏଲୋବେରା ଜେଲ୍ ମିଶାନ୍ତୁ। ଏହାକୁ ନିଜ ମୁହଁ ଓ ବେକରେ ଲଗାନ୍ତୁ। ଏହା ଆଖି ତଳର କଳାଦାଗ,ମୁହଁର ଦାଗ,ବୟସ ବୃଦ୍ଧି ଲକ୍ଷଣ ଦୂର କରିବାରେ ସହାୟକ ହୋଇଥାଏ।
ପେଷା ଅମୃତଭଣ୍ଡାରେ ଲେମ୍ବୁ ରସ, ମହୁ ମିଶାନ୍ତୁ। ଏହାକୁ ମୁହଁରେ ଲଗାଇ ୧୫ ରୁ ୨୦ ମିନିଟ ରଖନ୍ତୁ। ପରେ ଏହାକୁ ଧୋଇ ଦିଅନ୍ତୁ। ଏହା ମୁହଁର ସୌନ୍ଦର୍ୟ୍ୟକୁ ଦ୍ୱିଗୁଣିତ କରିଥାଏ। ଚମକ ବୃଦ୍ଧି କରିଥାଏ।
Powered by Froala Editor