ମୋତେ ମାରିବାକୁ ଷଡଯନ୍ତ୍ର କରାଯାଉଛି, ଯାହାର ଭିଡିଓ ମୁଁ ରଖିଛି : ଇମ୍ରାନ
ମୋତେ ହତ୍ୟା କରିବାକୁ ଷଡ଼ଯନ୍ତ୍ର କରାଯାଉଛି। ଶନିବାର ପାକିସ୍ତାନରେ ଏକ ସାଧାରଣ ସଭାରେ ଯୋଗ ଦେବା ଅବସରରେ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ଏ କଥା କହିଛନ୍ତି। ତାଙ୍କ ସରକାରକୁ ହଟାଇବା ପାଇଁ ହୋଇଥିବା ଷଡ଼ଯନ୍ତ୍ରରେ ଜଡ଼ିତ ଥିବା ବ୍ୟକ୍ତିମାନଙ୍କର ନାମ ମଧ୍ୟ ସେ ଭିଡିଓ ରେକର୍ଡ କରିଛନ୍ତି ବୋଲି କହିଛନ୍ତି। ଯଦି ତାଙ୍କର କିଛି କ୍ଷତି ହୁଏ ତେବେ ସେ ଉକ୍ତ ଭିଡିଓକୁ ସର୍ବସାଧାରଣରେ ପ୍ରଘଟ କରିଦେବେ ବୋଲି କହିଛନ୍ତି।
ଇମ୍ରାନ କହିଛନ୍ତି ମୁଁ ଜାଣେ, ମତେ ମାରିବା ପାଇଁ ପାକିସ୍ତାନ ଓ ବିଦେଶରେ ଲୋକେ ଯୋଜନା କରୁଛନ୍ତି। ମୋ ବିରୋଧରେ ଚାଲିଥିବା ଷଡ଼ଯନ୍ତ୍ରର ସମ୍ପୂର୍ଣ୍ଣ ବିବରଣୀ ସହ ଏଥିରେ ସମ୍ପୃକ୍ତ ଥିବା ବ୍ୟକ୍ତିମାନଙ୍କର ନାମ ସହିତ ଏକ ଭିଡିଓ ରେକର୍ଡ କରି ସୁରକ୍ଷିତ ସ୍ଥାନରେ ରଖିଛି। ସେମାନେ ଭାବୁଛନ୍ତି, ମୁଁ ତାଙ୍କ ପାଇଁ ବାଧକ ଏବଂ ତାଙ୍କୁ ହଟାଇବାକୁ ଇଚ୍ଛାକରୁଛି।
ଗତ ମାସରେ କ୍ଷମତାଚ୍ୟୁତ ହେବା ପୂର୍ବରୁ ଇମ୍ରାନ ଖାନ୍ କହିଥିଲେ ଯେ ତାଙ୍କ ଜୀବନ ପ୍ରତି ବିପଦ ରହିଛି। ଗତ ମାସରେ ଅନାସ୍ଥା ପ୍ରସ୍ତାବ ଦ୍ୱାରା ଇମ୍ରାନ ଖାନଙ୍କୁ ପ୍ରଧାନମନ୍ତ୍ରୀ ପଦରୁ ବିଦା କରାଯାଇଥିଲା। ଏହା ପଛରେ ଆମେରିକାର ହାତ ଥିବା ସେ ଅଭିଯୋଗ କରିଥିଲେ।
Powered by Froala Editor
