ପଞ୍ଜାବରେ ଲକ୍ଡାଉନ, ତଥାପି ଖୋଲିବ ମଦ ଦୋକାନ
କରୋନା ସଂକ୍ରମଣକୁ ନେଇ ଦେଶରେ ଚିନ୍ତାଜନକ ପରିସ୍ଥିତି ସୃଷ୍ଟି ହୋଇଛି । ଲକ୍ଡାଉନ ଓ ସଟ୍ଡାଉନ କରାଯାଇ ସଂକ୍ରମଣ ରୋକିବାକୁ ଚେଷ୍ଟା କରାଯାଉଛି । ଇତିମଧ୍ୟରେ ପଞ୍ଜାବ ସରକାର ପୁଣି ଏକ ବିବାଦୀୟ ନିଷ୍ପତ୍ତି ନେଇଛନ୍ତି ।
ସୂଚନା ଯୋଗ୍ୟ, ସଂକ୍ରମଣ ଚେନ୍ ଭାଙ୍ଗିବା ପାଇଁ ପଞ୍ଜାବରେ ମେ ୧୫ ତାରିଖ ଯାଏ ଲକଡାଉନ୍ ଘୋଷଣା କରାଯାଇଛି । ଲକଡାଉନ୍ ସମୟରେ ଜରୁରୀ ସେବାକୁ ବାଦ୍ ଦିଆଯାଇଛି । ପଞ୍ଜାବ ସରକାର ମଦକୁ ଅତ୍ୟାବଶ୍ୟକୀୟ ସାମଗ୍ରୀ ତାଲିକାରେ ରଖିଛନ୍ତି । ସରକାରଙ୍କ ଏହି ନିଷ୍ପତ୍ତି କ୍ରମେ ଲକଡାଉନ୍ ସମୟରେ ମଦ ଦୋକାନ ଖୋଲା ରହିବ । ଯଦିଓ ଏହି ନିଷ୍ପତ୍ତି ବିବାଦୀୟ ତଥାପି ଏଭଳି ପଦକ୍ଷେପ ଅନେକଙ୍କୁ ଆଶ୍ୱସ୍ତି ଦେଇଛି ।
ଲୋକେ ମଦ ପାଇଁ ସାନିଟାଇଜର ପିଇ ଦେଉଥିବା ଭଳି ଖବର ଆସୁଛି । ଏଭଳି ଲୋକଙ୍କ ମୃତ୍ୟୁ ହେଉଥିବା ବେଳେ ପଞ୍ଜାବ ସରକାରଙ୍କ ପଦକ୍ଷେପ ସେମାନଙ୍କ ପାଇଁ ନିଶ୍ଚିତ ଭାବେ ଆଶ୍ୱସ୍ତିକର ।
Powered by Froala Editor
