ନୂଆଦିଲ୍ଲୀ: ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବାସଭବନ ଭଙ୍ଗାରୁଜା ମାମଲାରେ ସାଂସଦ ତଥା ଭାଜପା ଯୁବ ମୋର୍ଚ୍ଚା ସଭାପତି ତେଜସ୍ବୀ ସୂର୍ୟ୍ୟଙ୍କୁ ନୋଟିସ ଜାରି ହୋଇଛି । ୨୮ ଏପ୍ରିଲରେ ସିଭିଲ ଲାଇନ ଥାନାରେ ହାଜର ହେବାକୁ ନିର୍ଦ୍ଦେଶ ହୋଇଛି । ଏହାପୂର୍ବରୁ ଘଟଣାରେ ମେୟର ଜୟପ୍ରକାଶ ଏବଂ ଭାଜପା ଯୁବ ମୋର୍ଚ୍ଚା ପ୍ରଦେଶ ଅଧ୍ୟକ୍ଷ ବାସୁ ରୁଖଣ୍ଡୁଙ୍କ ସମେତ ୧୦ଜଣଙ୍କୁ ଗିରଫ କରାଯାଇଥିଲା ।

ସୂଚନାଅନୁସାରେ ଏପ୍ରିଲ ୧ ତାରିଖରେ ଭାରତୀୟ ଜନତା ପାର୍ଟି ଯୁବ ମୋର୍ଚ୍ଚା ମୁଖ୍ୟମନ୍ତ୍ରୀଙ୍କ ବାସଭବନ ନିକଟରେ ବିକ୍ଷୋଭ ପ୍ରଦର୍ଶନ କରିଥିଲେ । କାଶ୍ମୀର ଫାଇଲ୍ସ ବିଷୟରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବିବୃତ୍ତି ବିରୋଧରେ ଏହି ପ୍ରଦର୍ଶନ ହୋଇଥିଲା । ଏହି ସମୟରେ କିଛି ଲୋକ ମୁଖ୍ୟମନ୍ତ୍ରୀଙ୍କ ବାସଭବନ ବାହାରେ ଭଙ୍ଗାରୁଜା କରିଥିଲେ । ସିସିଟିଭି ଭାଙ୍ଗିବା ସହ ମୁଖ୍ୟ ଫାଟକରେ ରଙ୍ଗ ଢାଳିଥିଲେ । ଏହି ଘଟଣାରେ ସିଭିଲ ଲାଇନ ପୋଲିସ ଷ୍ଟେସନ ୮ ଜଣ ଅଭିଯୁକ୍ତଙ୍କ ନାମରେ ମାମଲା ଦାୟର ହୋଇଥିଲା । ପ୍ରାୟ ଦୁଇ ସପ୍ତାହ ଜେଲରେ ରହିବା ପରେ ତାଙ୍କୁ ଜାମିନ ମିଳିଥିଲା ।ଘଟଣାର ତଦନ୍ତ କରିବା ପରେ ପୋଲିସ ମେୟର ଜୟପ୍ରକାଶ ଏବଂ ଭାଜପା ଯୁବ ମୋର୍ଚ୍ଚା ପ୍ରଦେଶ ଅଧକ୍ଷ ବାସୁ ରୁଖଣ୍ଡୁଙ୍କୁ ଗିରଫ କରିଥିଲା । ସେମାନଙ୍କୁ ସାଙ୍ଗେ ସାଙ୍ଗେ ଜାମିନ ମିଳିଥିଲା । ମାମଲାରେ ଏବେ ପୋଲିସ ଭାଜପା ଯୁବ ମୋର୍ଚ୍ଚା ସଭାପତି ତେଜସ୍ବୀ ସୂର୍ୟ୍ୟଙ୍କୁ ନୋଟିସ ଜାରି କରିଛି ।

Powered by Froala Editor