କଂଗ୍ରେସ ଛାଡି ଟିଏମ୍ସିରେ ମିଶିଥିଲେ, ଏବେ ଆପ୍ରେ ସାମିଲ ହେଲେ ଅଶୋକ
ତୃଣମୂଳ କଂଗ୍ରେସର ଯୁବ ନେତା ଅଶୋକ ତନଓ୍ଵର ଦିଲ୍ଲୀରେ ଆମ୍ ଆଦମୀ ପାର୍ଟିରେ ସାମିଲ୍ ହୋଇଛନ୍ତି। ଆପ୍ ନିଜର ଅଧିକାରିକ ଟୁଇଟର ହ୍ୟାଣ୍ଡେଲରୁ ଟୁଇଟ୍ କରି ପୂର୍ବତନ ସାଂସଦ ତଥା ହରିୟାଣା କଂଗ୍ରେସର ପୂର୍ବତନ ଅଧ୍ୟକ୍ଷ ଅଶୋକ ତନଓ୍ଵର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ଉପସ୍ଥିତିରେ ଆମ୍ ଆଦମୀ ପାର୍ଟିରେ ଯୋଗ ଦେଇଥିବା ସୂଚନା ଦେଇଛନ୍ତି।
ଅଶୋକ ତନଓ୍ଵର ହରିୟାଣା କଂଗ୍ରେସର ଯୁବ ଚେହେରା ଥିଲେ। ମାତ୍ର ସେ ୨୦୨୧ ନଭେମ୍ବରରେ ପାର୍ଟି ହାଇକମାଣ୍ଡଙ୍କ ଉଦାସୀନତା କାରଣରୁ କଂଗ୍ରେସ ଛାଡି ଟିଏମସିରେ ସାମିଲ୍ ହୋଇଥିଲେ। ଅଶୋକ ରାହୁଲ ଗାନ୍ଧୀଙ୍କ ଖୁବ୍ ନିକଟତର ଥିଲେ। ହେଲେ ତାଙ୍କର ଟିଏମସି ପ୍ରତି ଶୀଘ୍ର ମୋହଭଙ୍ଗ ହୋଇଥିଲା । ଟିକେଟ୍ ବଣ୍ଟନକୁ ନେଇ ଅଶୋକ ପାର୍ଟି ଉପରେ ବଡ ଅଭିଯୋଗ ଲଗାଇଥିଲେ ଏବଂ ଏବେ ଆମ୍ ଆଦମୀ ପାର୍ଟିରେ ସାମିଲ୍ ହୋଇଛନ୍ତି।
Powered by Froala Editor
